جب میری آنکھ سے ٹوٹا ہوا تارہ دیکھا

shooting star

shooting star

جب میری آنکھ سے ٹوٹا ہوا تارہ دیکھا
چشمِ حیراں سے شہر نے یہ نظارا دیکھا

چاندنی لوٹ گئی مایوس اندھیرے گھر سے
آج پھر اس نے بہارِ صبح کا تارہ دیکھا

ہوش آیا تو میرے خواب سبھی ٹوٹ گئے
دور ہی دور تلک پھیلا ہوا صحرا دیکھا

اب میرے شعر تیری یاد سے مہکتے ہیں
جسم کو روح کا ہم نے یہ سہارا دیکھا

پہلوِ یار نے کیا کیا نہ نظارے دیکھے
پر وہی میں کہ اُسے جان سے پیارا دیکھا

شمع محفل میں جلی اور ادھر ڈوبا چاند
شیخ جی اُ س نے کہاں سوگ ہمارا دیکھا

امجد شیخ