جیسا جسے چاہا کبھی ویسا نہیں ہوتا

Posted on March 13, 2012 By Adeel Webmaster حسن رضوی

جیسا جسے چاہا کبھی ویسا نہیں ہوتا
دنیا میں کوئی شخص بھی ایسا نہیں ہوتا

ملنے کو تو ملتے ہیں بہت لوگ جہاں میں
پر ان میں کوئی بھی تیرے جیسا نہیں ہوتا

دولت سے کبھی پیار کو تولا نہیں جاتا
معیار محبت کبھی پیسہ نہیں ہوتا

جینے کا مزا لیتے ہیں یوں تو سبھی یاں
لیکن یہ مزا پیار کی شے سا نہیں ہوتا

اک بار ہی ہوتا ہے حسن پیار کسی سے
یہ پیار کا نشہ کبھی مے سا نہیں ہوتا

حسن رضوی