اسپاٹ فکسنگ کے الزام میں سزا یافتہ فاسٹ بولر محمد عامر کی اس ماہ پیرول پر رہائی کا امکان ہے۔ نوبال کیس میں سزا پانے والے محمد آصف کھیلوں کی عالمی ثالثی عدالت میں آئی سی سی کی سات سالہ پابندی کے خلاف اپیل دائر کردی ہے۔ برطانوی عدالت نے محمدعامر کوچھ ماہ ،محمد آصف کو ایک سال اور سلمان بٹ کو ڈھائی سال کی سزاسنائی تھی۔ محمد عامر سزا مدت اصلاحی مرکز میں گزار رہے ہیں ۔ ان کی آدھی سزا تین فروری کو مکمل ہو جائیگی۔ برطانوی قوانین کے مطابق محمد عامر کو اچھے رویے کی بنیاد پر نصف مدت سے کچھ قبل پیرول پر رہا کیا جاسکتا ہے۔
محمد آصف نے کھیلوں کی ثالثی کی عالمی عدالت میں اینٹی کرپشن ٹریبونل کی سات سالہ پابندی کے خلاف اپیل دائر کردی ہے اور اس کی سماعت ایک ماہ میں شروع کرنے کو کہا ہے۔ وکیل سویتا سکل کے مطابق محمد آصف نے موقف اختیار کیا ہے کہ آئی سی سی کی پابندی غیر قانونی ہے۔
ڈیو واٹمور کو پاکستان کرکٹ ٹیم کا ہیڈ کوچ بنانے کا فیصلہ
ڈبلیوبی اے کے صدر نے عامر خان کاری میچ کا مطالبہ تسلیم کرلیا