مرا پیارا حرف غلط نہیں

Posted on May 20, 2012 By Adeel Webmaster فاخرہ بتول

اسے لوح دل پر لکھا تو ہے
بڑی شان سے ۔۔۔۔۔۔۔۔۔ بڑے مان سے
تو یہ سوچ گہری سی کس لیے۔۔۔۔۔۔۔۔۔۔۔؟
یہ عدو ہے دل کے سوال کی
یہ کڑی ہے اصل زوال کی
ہوں کہن وفائوں کے نقشِ پا
یہ مٹائے دیتی ہے برملا
چلو، اس طرح سے تو ٹھیک ہے
ہوں جفا کے جتنے بھی سلسلے یا خیال ہوں
ہوں جو پھول جانے کے فیصلے یا ملال ہوں
نہیں حرج ان کو مٹا ہی دو ۔۔۔۔۔۔۔۔۔۔
سنو بن پڑے تو یہ سوچنا
مرا پیار حرف غلط نہیں

فاخرہ بتول