وہ اپنے آپ سے بھی جدا چاہیے ہمیں
Posted on March 11, 2012
By Adeel Webmaster
جون ایلیا
dua hands
وہ اپنے آپ سے بھی جدا چاہیے ہمیں
اس کا جمال اس کے سوا چاہیے ہمیں
ہر لمحہ جی رہے ہیں دوا کے بغیر ہم
چارہ گرو تمہاری دعا چاہیے ہمیں
پھر دیکھیے جو حرف بھی نکلے زباں سے
اک دن جو پوچھ بیٹھے کہ کیا چاہیے ہمیں
جانا نہیں ہے گھر سے نکل کر کہیں مگر
ہر ماہ رُو کے گھر کا پتا چاہیے ہمیں
مدت سے ہم کسی کو نہیں دے سکے فریب
اے شہرِ التفات وفا چاہیے ہمیں
ہر آن آخری ہے مگر اس کے باوجود
اس آن بھی یقینِ فنا چاہیے ہمیں
جون ایلیا