وقار یونس کے طبی وجوہ کے باعث مستعفی ہونے کے بعد قومی کرکٹ ٹیم کے لئے عبوری کوچ کی تقرری پر غور کیا جا رہا ہے۔ زمبابوے کا دورہ وقار یونس کا قومی ٹیم کے ساتھ آخری ٹور تھا۔پی سی بی نے نئے کوچ کی تلاش کیلئے انتخاب عالم کی سربراہی میں چار رکنی کمیٹی قائم کی ہے۔ جس میں ظہیر عباس، رمیز راجہ اور کرنل نوشاد شامل ہیں۔
عہدے میں دلچسپی رکھنے والوں سے درخواستیں طلب کی گئی ہیں۔ تاہم ان درخواستوں کے جائزے اور موزوں امیدوار کو منتخب کرنے میں کافی وقت لگ سکتا ہے جبکہ قومی کرکٹ ٹیم کو آئندہ ماہ کے وسط میں یواے ای میں سری لنکا سے سیریز کھیلنا ہے۔ اس لئے بورڈ عبوری کوچ کو ذمہ داری سونپنے پر غور کررہاہے اور اس کیلئے موجودہ بیٹنگ اور بولنگ کوچز اعجاز احمد اور عاقب جاوید مضبوط امیدوار ہیں۔
ایشین والی بال : پاکستان نے قزاقستان کو شکست دیدی
سابق بھارتی کرکٹر نواب منصور علی خان انتقال کر گئے