پنجاب میں ڈینگی کے شکار مریضوں کی تعداد دو ہزار آٹھ سو چودہ ہو گئی۔ ڈینگی بخار سے مرنے والوں کی تعداد پندرہ تک جا پہنچی۔ محکمہ صحت نے چھ اموات کی تصدیق کی۔
لاہور میں ڈینگی کے مریضوں کی تعداد دو ہزار پانچ سو چون تک جا پہنچی۔ لاہور میں چوبیس گھنٹوں میں مبینہ طور پر دو افراد کی ڈینگی بخار سے موت واقع ہوئی، محکمہ صحت پنجاب نے ایک موت کی تصدیق کی۔ سروسز ہسپتال میں والٹن کا رہائشی تیس سالہ رفاقت ڈینگی بخار کی وجہ سے موت کے منہ میں چلا گیا۔
لاہور کے ہسپتالوں میں داخل ہونے والے مریضوں کی تعداد دن بدن بڑھتی جا رہی ہے۔ روزانہ ہزاروں کی تعداد میں بخار کیشکار مریض ہسپتال کا رخ کرتے ہیں۔ لاہور میں ساڑھے تین سو پولیس اہلکار بھی ڈینگی بخار کا شکار ہو گئے۔ ہسپتالوں میں ایمرجنسی کے نفاذ کے باوجود مریضوں کی پریشانی میں کمی نہ ہو سکی۔ پورے شہر میں مچھر مار اسپرے نہ ہونے کی وجہ سے عوام پریشانی کا سامنا کر رہے ہیں۔
انسداد دہشت گردی کی عالمی کوششوں میں مضبوط تعاون کا عزم
بدین کے سیلاب متاثرین ٹھٹھہ منتقل کیے جائیں گے