کیجیے نہ دس میں بیٹھ کر آپس کی بات چیت

Posted on May 26, 2012 By Adeel Webmaster بہادر شاہ ظفر

کیجیے نہ دس میں بیٹھ کر آپس کی بات چیت
پہنچے گی دس ہزار جگہ دس کی بات چیت

کب تک رہیں خاموش کہ ظاہر سے آپ کی
ہم نے بہت سنی کس و ناکس کی بات چیت

مدت کے بعد حضرتِ نسا کرم کیا
فرمائیے مزاج مقدس کی بات چیت

پر ترک عشق کیلئے اظہار کچھ نہ ہو
میں کیا کروں نہیں یہ میرے بس کی بات چیت

کیا یاد آ گیا ہے ظفر ہنجہ نگار
کچھ ہو رہی ہے بندِ مخمص کی بات چیت

بہادر شاہ ظفر