وزیر قانون پنجاب رانا ثنا اللہ نے کہاہے کہ رحمن ملک اور ان کی وزارت جھوٹی رپورٹیں گھڑنے اور بھیجنے کے ماسٹر ہیں۔ گذشتہ دنوں سینیئر وفاقی وزیر چودھری پرویز الہی کی جان کو خطرے کے حوالے سے رپورٹ بھجوائی گئی جو غلط ثابت ہوئی۔
پنجاب اسمبلی کے باہر میڈیا سے بات کرتے ہوئے انھوں نے کہاکہ پیپلز پارٹی کو استغفار کا کبھی کبھی خیال آتا ہے گورنر اور راجہ ریاض کو شہباز شریف فوبیا ہوگیا ہے۔