ٹیکسلا ( ڈاکٹر سید صابر علی / تحصیل رپورٹر) آدم شریف عمروزیر دفاع مالدیپ کی زیر قیادت ایک سرکاری وفد نے پاکستان آرڈننس فیکٹریز کا دورہ کیا۔پی او ایف آمد پر لیفٹیننٹ جنرل عمر محمود حیات، ہلال امتیاز (ملٹری) چیئرمین پی اوایف بورڈ نے وفد کا استقبال کیا اور پی اوایف بورڈ ممبران سے تعرف کرایا۔ چیئر مین پی او ایف بورڈ نے اپنے استقبالیہ کلمات میں وفد کو بتایا کہ پی او ایف کا بنیادی مینڈیٹ پاکستان کی مسلح افواج کو اسلحہ و گولہ بارود کی فراہمی ہے اور پی او ایف اپنی مسلح افواج کی اسلحہ و گولہ بارود کی سو فیصد ضروریات پوری کرنے کے بعد اپنی فاضل پیداواری صلاحیت دنیا کے تیس سے زائد ممالک کو برآمد بھی کر رہاہے۔
چیئرمین پی او ایف بورڈ نے مزید کہا کہ پاکستان اورمالدیپ کے درمیان دفاعی پیداوار کے شعبہ میں پہلے سے ہی روابط موجود ہیں جن کو مزید مستحکم کرنے کی ضرورت ہے۔ عثمان علی بھٹی ڈائریکٹر ایکسپورٹ نے اپنی تفصیلی بریفنگ میں وفد کو بتایا کہ پی اوایف چودہ فیکٹریوں پر مشتمل ایک بڑا صنعتی کمپلیکس ہے جس میں 14ذیلی ادارے اور چھبیس ہزار سے زائد ملازمین کام کر رہے ہیں۔پی اوایف نے ہمیشہ حالت جنگ و امن میں مسلح افواج کی طرف سے دئیے گئے اہداف کی بروقت تکمیل کو یقینی بنایا ہے۔
وفد کو بتایا گیا کہ پی او ایف مالدیپ کی روایتی اسلحہ و گولہ بارود کی ضروریات کو پورا کرنے کے لیے ہر ممکن تعاون کر سکتا ہے۔ وفد نے تفصیلی بریفنگ اور وژن کو سراہا اور دفاعی پیداوار کے اس ادارے کی صلاحیتوں پر اطمینان کا اظہار کیا اور معزز اراکین وفد نے ڈسپلے روم میں دفاعی مصنوعات دیکھنے کے بعد پی او ایف کی چند پیداواری یونٹس کا دورہ کیا اور اسلحہ و گولہ بارود کی تیاری کے مراحل دیکھے۔ انہوں نے پی او ایف میں تیار ہونے والی دفاعی مصنوعات کے اعلیٰ معیار کی تعریف کی۔
ایڈو کا ادراہ خدمت انسانیت کے عظیم مشن کی تکمیل میں بے لوث کردار ادا کر رہا ہے، عمر محمود حیات
اب کرپٹ لوگ ایوانوں میں نہیں جیلوں کی کال کوٹھڑیوں میں ہوں گے، سراج الحق