ممبئی (جیوڈیسک) ابھیشیک اور ایشوریا کے بارے میں بھی گزشتہ کچھ دنوں سے یہ خبریں گردش کر رہی تھیں کہ دونوں کے رشتے میں دراڑ پڑ چکی ہے۔
اس خبر پر دونوں اداکاروں کی جانب سے کوئی رد عمل بھی سامنے نہیں آیا تھا تاہم اس معاملے پر ابھیشیک نے خاموشی توڑتے ہوئے کہا ہے کہ میں جانتا ہوں سچ کیا ہے اور یہ بھی جانتا ہوں ہمارے رشتے کو لے کر میڈیا میں بہت باتیں بنائی جا رہی ہیں۔
انہوں نے کہا کسی کو بھی اجازت نہیں دوں گا کہ وہ میرے اور ایشوریا کے رشتے کے بارے میں غلط خبریں پھیلائے۔ ہم دونوں ایک دوسرے سے بیحد پیار کرتے ہیں ۔ آخر کار ہم دونوں مشہور شخصیت ہیں ہم ہمیشہ میڈیا اور تمام لوگوں کو خوش نہیں کر سکتے۔
لہذا میں آپ سب سے کہنا چاہتا ہوں ہماری شادی شدہ زندگی کے بارے میں غلط خبریں نہ پھیلائیں۔ واضح رہے کہ گزشتہ دنوں ایک تقریب میں ابھیشیک تصاویر بنواتے وقت اچانک ایشوریا کا ہاتھ جھٹک کر غصے سے چلے گئے تھے جب ہی سے دونوں کے رشتے کے درمیان دراڑ کی خبروں نے میڈیا میں جگہ بنانی شروع کر دی تھی۔
روہت شیٹھی کینسر میں مبتلا 10 بچوں کا علاج کرائیں گے
کنگ خان 16 برس بعد پھر سے جنگجو کے روپ میں جلوہ گرہوں گے