ایان علی کا نام دوبارہ ای سی ایل میں ڈالنے پر اٹارنی جنرل کو نوٹس

Ayyan Ali

Ayyan Ali

اسلام آباد (جیوڈیسک) سپریم کورٹ نے ماڈل ایان علی کا نام ای سی ایل میں دوبارہ ڈالنے پر اٹارنی جنرل کو نوٹس جاری کر دیا ، جسٹس عظمت سعید کا کہنا تھا کہ کیا ماڈل دہشت گرد ہے ۔ ایان علی کا نام ای سی ایل سے نکال کر دوبارہ کس بنیاد پر ڈالا گیا ۔ سپریم کورٹ نے اٹارنی جنرل سے جواب طلب کر لیا۔

معاملہ انتہائی سنجیدہ قرار ، وزارت داخلہ پر شدید برہمی کا اظہار ، جسٹس شیخ عظمت سعید نے استفسار کہ کیا ایان علی دہشتگرد ہے ، کیا پنجاب میں کٹی قتل کی ہر ایف آئی آر کے تمام ملزمان اور ایف بی آر نادہندگان کے نام ای سی ایل میں ڈال دیئے گئے ہیں ؟ سب کو نظر آ رہا ہے کیا ہو رہا ہے ، کیوں نہ سیکرٹری داخلہ کو جیل بهیج دیں۔

فاضل جج کا کہنا تھا کہ انہیں احکامات پر عمل کروانا آتا ہے ، احکامات پر عمل نہیں ہو گا تو عدالت کو تالا لگا کر گهر نہیں چلے جائیں گے ۔ عدالت نے اٹارنی جنرل کو نوٹس جاری کرتے ہوئے سماعت آئندہ ہفتے تک ملتوی کر دی۔