جھنگ (ڈسٹرکٹ رپورٹر) عظیم الشان سالانہ محفل ذکر حسین بسلسلہ عظیم الشان 22ویں سالانہ عرس پاک پیر طریقت ،رہبر شریعت ،قیوم پنجم بانی ذکر بالجہر حضور خواجہ خواجگان الحاج اعلیٰ حضرت خواجہ محمد معصوم تاجدار موہری شریف کھاریاں مورخہ 25اکتوبر 2016بروز منگل بعد از نماز مغرب جامع فیضان معصوم بستی دیوان والی نزد رشید چوک جھنگ صدر منعقد ہو رہا ہے جس سے فخر اہلسنت علامہ مولانا مخدوم جعفر حسین قریشی آف ملتان شریف خصوصی خطاب کریں گے جبکہ پیر طریقت الحاج خواجہ محمد شہباز احمد معصومی خلیفہ مجاز دربار عالیہ نقشبندیہ ،مجددیہ،معصومیہ جھنگ صدارت کریں گے۔پروگرام کے مطابق جامع مسجد فیضان معصومیہ میں بوقت مغرب ختم خواجگان شجرہ طریقت بالجہر کے بعد محفل نعت ہوگی جس میں معروف ثناء خوان مصطفی ۖ ہدیہ عقیدت پیش کریں گے بعد ازاں خصوصی دعا ہوگی اس ضمن میں معقدین ،متوسلین ،مریدین حلقہ احباب موہری شریف ،چورہ شریف /بزم المعصوم پاکستان سے کہا گیا ہے کہ وہ قرآن پاک ،وظائف اودار ،درود پاک پڑھ کر پڑھوا کر محفل پاک میں ملک فرمائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ہسپتالوں کی حالت پر آبدیدہ ہونے والے وزیراعظم پنجاب کے سرکاری سکولز کو ٹھیکہ پر دینے کا نوٹس لیں۔ ان خیالات کااظہار صوفی رمضان انقلابی مرکزی صدر آل اساتذہ الائنس و پنجاب ٹیچرزیونین نے ایک پریس ریلیز کے دوران کیا۔ انہوں نے کہا کہ 541ملین ڈالر کی دنیا بھر سے آنے والی تعلیمی امداد اور31ارب کا تعلیم کے نام پر ورلڈ بنک سے قرض بھی اساتذہ کو اپ گریڈیشن نہیں دلا سکا۔ تعلیم کے نام پر لیا گیا پیسہ سڑکوں اور میٹرو پر خرچ ہوگا تو کون سی قوم بنے گی ۔قومیں ہمیشہ تعلیم سے بنتی ہیں۔دنیا میں کوئی ایسی قوم نہیں ہے جس کا لٹریسی ریٹ ١٠٠فیصد ہواور وہ زوال پذیر ہو۔ غلط پالیسیوں کی وجہ سے جنوبی ایشیا میں سب سے کم لٹریسی ریٹ پاکستان کا ہے۔ دنیا میں ٹوٹل بجٹ کا چار فیصد تعلیم پر خرچ کیاجاتا ہے جبکہ پنجاب میں دو فیصد بجٹ ہی بڑی مشکل سے لگا یا جاتا ہے اور وہ بھی دیواروں کو رنگ وروغن کرنے اور باڑ لگانے جیسے کاموں پر لگا دیا جاتا ہے۔طلباء کیلئے حصول تعلیم کے مواقع پیدا کرنا، اساتذہ کو اپ گریڈیشن دینا جیسے مسائل فوری حل کئے جائیں۔ انہوں نے مزید کہا کہ ہر شعبہ میں اپنے ملازمین کا کوٹہ دیا جاتا ہے جبکہ اساتذہ ایسے ملازمین ہیں جنہیں اپنے محکمہ بھی کوٹہ نہیں ملتا۔ PECامتحان جس کی کوئی کریڈبلٹی نہیں ،جیسے فراڈ کرکے سرکاری اداروں کو PEFاوراین جی اوز کے حوالے کرنا اور اس امتحان کے رزلٹس پر اساتذہ کی انکریمنٹ روکنا ظالمانہ اقدام ہے۔ انہوں نے مزید کہا کہ سیکرٹری ایجوکیشن کا تعلیم سے دور تک تعلق نہیں ، وہ غلط پالیسیاں بنا کر حکومت کو ناکام کرنے کی سازش کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) عمران خان اور نواز شریف کا ایک طرح کے ٹی او آرز پر احتساب کیا جائے ۔پروفیسر آصف ڈھڈی۔تفصیلات کے مطابق پروفیسر آصف ڈھڈی نے اپنء ایک بیان میں کہا ہے کہ تحریک انصاف صرف وزیر اعظم کا ہی نہیں بلکہ دیگر حکومتی و حزب اختلاف کے سیاستدانوں کا بھی احتساب چاہتی ہے۔ملک میں رہنے والا ہر شخص خواہ اس کا عہدہ یا سماجی رتبہ کچھ بھی ہو احتساب سے بالا تر نہیں ہے تحریک انصاف تو یہ بھی چاہتی ہے کہ عمران خان کا بھی احتساب انہی ٹی او آرز پر کیا جائے جس پر نواز شریف کا ہو تمام اپوزیشن جماعتیں بشمول پیپلز پارٹی نے جن ٹی او آرز کا فیصلہ کیا ہے وہ تمام سیاسی جماعتوں کے لیے قابل قبول ہونا چاہیے اگر حکومت اپنے آپ کو احتساب کے لیے پیش کر دے تو عمران خان کے پاس اسلام آباد دھرنیکا جواز ہی ختم ہوجائے گا اور ملک میں جاری یاسی بحران کا خاتمہ بھی ہو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) حکومتی کرپشن کے باعث آج پاکستان کا بچہ بچہ مقروض ہے۔ ان خیالات کا اظہاربہادر خان جھگڑ امیر جماعت اسلامی جھنگ نے ایک کارنر میٹنگ کے دوران کیا۔ انہوں نے کہا کہ سیاسی جماعتوں نے سنجیدگی کے ساتھ پہلی بار کرپشن اور کرپٹ سسٹم کے خلاف سپریم کورٹ کا دروازہ کھٹکھٹایا ہے ، اگرعدالت نے اپنی آئینی ذمہ داری پوری کی تو اس ملک سے کرپشن کا خاتمہ ہوجائے گا ۔ انہوں نے مزید کہا کہ نااہل حکمرانوں کی بدولت ملک 72ارب ڈالر کا مقروض ہوچکا ہے۔ میاں نوازشریف پاک چائنہ راہداری منصوبے کو اپنی کامیابی بناکرپیش کررہے ہیں۔ انہوں نے مزید کہا کہ ملک میں روزانہ بارہ ارب روپے کی کرپشن ہورہی ہے۔ انہوں نے کہا کہ جماعت اسلامی کا مقصد شر کے مقابلے میں اہل خیر کو متحد کرکے ایماندار اور دیانتدار قیادت ہے۔ انہوں نے کہا کہ قرآن وسنت کی تعلیمات پر عمل پیرا ہو کر ہی اغیار کا مقابلہ ممکن ہے۔ انہوں نے کہا کہ جماعت اسلامی پاکستان کی نظریاتی سرحدوں کی محافظ اور موروثی سیاسی نظام سے پاک جماعت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ملکی سلامتی کو مدنظر رکھ کر پالیسیاں ترتیب دی جائیں۔ مضبوط ومستحکم پاکستان ہی کشمیر کی آزادی کی ضمانت بن سکتا ہے۔ ان خیالات کا اظہار منشا جھنگوی ضلعی رہنما دفاع پاکستان کونسل جھنگ و جماعة الدعوة جھنگ نے کیا۔ انہوں نے کہا کہ حکومت بھارت امریکہ سے دوستیاں نبھانا چھوڑ دے ۔ انہوں نے مزید کہا کہ قصاص میں سعودی شہزادے کو قتل کرنے کا فیصلہ اسلام کے اصولوں کے مطابق ہے جس کو انتہائی پسندکرتے ہیں۔ انہوں نے کہا کہ حدوداللہ کے نفاذ کی برکت سے آج دنیا بھر میں سب سے کم جرائم سعودی عرب میں ہوتے ہیں۔ انہوں نے کہا کہ اسلام کا عادلانہ نظام قائم کردیا جائے تو پاکستان بھی امن وسکون کا گہوارہ بن جائے گا۔ انہوں نے کہا کہ دنیائے کفر کو اسلام کی پھیلتی ہوئی دعوت اور مسلم ملکوں کا مضبوط حیثیت اختیار کرنا برداشت نہیں ہورہا اس لئے وہ پاکستان سمیت تمام دنیائے اسلام کو سازشوں کا شکار کرکے کمزور کرنا چاہتے ہیں۔ انہوں نے مزید کہا کہ حکومت پاکستان مظلوم کشمیریوں کی کھل کر مدد وحمایت کرے اور بھارت سرکار کی ریاستی دہشت گردی کو دنیا پر بے نقاب کرے۔
کراچی کی خبریں 24/10/2016
قادیانی یورپ میں اسلام پاکستان کیخلاف زہر اگل رہے ہیں، مولانا اکرم طوفانی