مصطفی آباد/للیانی (نامہ نگار) ایس ایچ او تھانہ مصطفی آباد محمد ایوب گجر کی کاروائی، بد نام زمانہ منشیات فروش اللہ دتہ ماچھی گرفتار، 1050 گرام چرس بر آمد، مقدمہ درج، تفصیلات کے مطابق ایس ایچ او تھانہ مصطفی آباد محمد ایوب گجر نے منشیات فروشوں کے خلاف کاروائی کرتے ہوئے بد نام زمانہ منشیات فروش اللہ دتہ ماچھی کے قبضہ سے ایک کلو 50گرام چرس بر آمد و مقدمہ درج کرکے ملزم کو حوالات میں بند کر دیا۔
مصطفی آباد/للیانی (نامہ نگار) سحری کے وقت گھر میں داخل ہونے والے خاتون سمیت چار افراد نے جواں سالہ لڑکی کو اغوا کر لیا، ملزمان نے صندوق کے تالے توڑ کر ایک لاکھ روپے نقدی و طلائی زیورات بھی نکال لئے، مقدمہ درج، تفصیلات کے مطابق محمد آفتاب، محمد عثمان، شازیہ بی بی، عدیل و دو کس نا معلوم افراد نے سحری کے وقت گھر سرہالی کلاں کے رہائشی محمد امین کے گھر میں داخل ہو کر اہل خانہ کو یرغمال بنا کر محمد امین کی 14/15سالہ بیٹی کو گن پوائنٹ پر اغوا کر لیا اور صندوق کے تالے توڑ کر ایک لاکھ روپے نقدی و طلائی زیورات بھی نکال کر فرار ہو گئے، پولیس تھانہ مصطفی آباد نے مقدمہ درج کرکے ملزمان کی تلاش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) پرائس کنٹرول ایکٹ کی خلاف ورزی والے پانچ افراد کے خلاف مقدمہ درج، تفصیلات کے مطابق سپیشل مجسٹریٹ پرائس کنٹرول قصور مظفر حسین نے آصف مسیح کو فرضی گاہک بنا کر مختلف دوکانداروں سے خریداری کی، مہنگے داموں اشیا فروخت کرنے والے عارف، اقبال، بشیر احمد، عبدالرشید اور عدیل جٹ کے خلاف مقدمہ درج کر وا دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) نا خلف بیٹے نے اپنے ہی گھر سے 40ہزار روپے چورا لئے، بار بار کی چوریوں سے تنگ آکر باپ نے قانونی کاروائی کیلئے تھانہ مصطفی آباد درخواست دے دی، تفصیلات کے مطابق نئی آبادی لکھنیکے کے رہائشی محمد اشرف کے بیٹے بشارت علی نے اپنے ہی گھر سے چالیس ہزار روپے چوری کر لئے، بشارت علی اس سے قبل بھی متعدد بار اپنے گھر سے رقم چورا چکا ہے، تنگ آ کر باپ نے قانونی کاروائی کیلئے تھانہ مصطفی آباد میں درخواست دے دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) کلیاں عرس سے واپس آنیوالے زائرین کو لوٹنے والے چار ڈاکوئوں کے خلاف 8روز بعد مقدمہ درج، چار نا معلوم ڈاکوئوں نے محمد آصف، ناصر، چائو،یٰسین اور محمد افضل سے تین موٹر سائیکلیں، نقدی و موبائل فون چھین لئے تھے، تفصیلات کے مطابق 8روز قبل مصطفی آباد کے نواحی گائوں کلیاں عرس سے واپس آنے والے زائرین کو لوٹنے والے چار نا معلوم ڈاکوئوں کے خلاف مقدمہ درج، چار نا معلوم ڈاکوئوں نے اسلحہ کے زور پر محمد آصف سے موٹر سائیکل ,ناصر سے 9سوروپے، چائو سے 2ہزار روپے، یٰسین ملک سے موٹر سائیکل نمبریLEN/5046اور محمد افضل سے موٹر سائیکل نمبریLEG6391چھین لی تھی، پولیس تھانہ مصطفی آباد نے محمد آصف کی مدعیت میں مقدمہ درج کرکے ملزمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) مصطفی آباد للیانی اور اس کے نواحی دیہات میں غیر اعلانیہ لوڈشیڈنگ کا سلسلہ جاری، نواحی دیہات میں سحری و افطاری کے وقت بھی لوڈشیڈنگ کا سلسلہ جاری، روز داروں کو شدید مشکلات کا سامنا، تفصیلات کے مطابق حکومتی احکامات کے باوجود سحری و افطاری کے وقت غیر اعلانیہ لوڈشیڈنگ کا سلسلہ ختم نہ ہو سکا، مصطفی آباد کے نواحی دیہات میں سحری اور افطاری کے وقت پہلے رمضان سے لیکر آ ج تک وقفے وقفے سے غیر اعلانیہ لوڈ شیڈنگ کا سلسلہ جاری ہے، جس کی وجہ سے روز ہ داروں کو شدید مشکلات کا سامنا کرنا پڑ رہا ہے، اہل علاقہ کی بڑی تعداد نے اعلی حکام سے فوری نوٹس لیتے ہوئے سحری و افطاری ودیگر اوقات میں غیر اعلانیہ لوڈشیڈنگ کا سلسلہ فوری ختم کرنے کا مطالبہ کیا ہے۔
بلدیہ کورنگی کا سائن بورڈز کے خلاف آپریشن تیز
مصطفی آباد للیانی اور اس کے نواحی دیہات میں غیر اعلانیہ لوڈشیڈنگ کا سلسلہ جاری