لاہور (جیوڈیسک) پنجاب کے وزیراعلیٰ محمد شہباز شریف کاکہناہے کہ رمضان المبارک کے دوران ناجائز منافع خوری کی آڑ میں کسی کو لوٹ مار نہیں کرنے دی جائے گی۔
مصنوعی مہنگائی پیداکرنےوالوں کے خلاف بلاامتیاز کارروائی کریں گے۔ لاہور سے جاری بیان میں وزیراعلیٰ پنجاب نےکہاکہ رمضان پیکیج میں سستے آٹے کیلئے ساڑھے تین ارب روپےکی سبسڈی دی گئی ہے، جبکہ قیمتوں اور اشیاء کے معیارکی نگرانی کا ڈیجیٹل نظام وضع کیا گیا ہے۔ ان کا کہنا تھا کہ عوام کومعیاری اشیاء کی سستے داموں دستیابی ہرصورت یقینی بنائی جائے گی اور اشیائے ضروریہ کے معیار پر کوئی سمجھوتہ نہیں کیاجائے گا۔
انہوں نے پرائس کنٹرول کمیٹی ،وزراء اور سیکریٹریزکو ہدایت کہ رمضان بازاروں کے دورے کی روزانہ کی بنیاد پر رپورٹ پیش کریں، اربوں روپے کے رمضان پیکیج کے ثمرات حقیقی معنوں میں عوام تک پہنچنے چاہئیں۔
دھرنا سیاست میں پی پی نے ن لیگ کا نہیں، آئین کا ساتھ دیا،رانا ثنا
حکومت نے یوٹیلٹی اسٹور پر رمضان ریلیف پیکج کا اعلان کر دیا