ٹنڈوآدم کی خبریں 20/7/2015

Tando Adam

Tando Adam

ٹنڈوآدم(کامران انصاری) ٹنڈوآدم میں پابندی کے باوجود سرعام جدید اسلحہ کی طرز کے کھلونے کی بڑے پیمانے پر فروخت، تفصیلات کے مطابق حکومت کی جانب سے بچوں کے کھلونے پستول اور رائفل اور دیگر جدید اسلحہ پر پابندی عائد کئے جانے کے باجود پولیس انتظامیہ کے تعاون سے ہول سیلرز،دوکانداروں،ٹھیلوں پر جدید اسلحہ کی طرز کے کھلونے سر عام فروخت ہوتے رہے دوکانداروں کے مطابق اس عید پر ٹنڈوآدم میں 20لاکھ روپے سے زائد کے کھلونے فروخت کئے گئے ہیں جو کہ حکومت کے منہ پر طماچہ ہے شہریوں اور سماجی تنظیموں نے حکومت سے مطالبہ کیا ہے کہ فوراً ان اسلحہ کھلونے جو کہ بچوں کے لیے ہیبت کا ذریعہ بنے ہوئے ہے بند کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹنڈوآدم(رپورٹ٭کامران انصاری)ملک بھر کی طرح ٹنڈوآدم میں بھی عید الفطر بڑے جوش و خروش اور احترام سے منائی گئی۔ شہر بھر میں 50سے زائد مقامات پر عید الفطر کی نماز کے اجتماعات ہوئے ،عید الفطر کاسب سے بڑا اجتماع عید گاہ میں ہوا جہاں ہزاروں لوگوں نے ایک ساتھ نماز عید ادا کی بعد ازاں آپس میں ایک دوسرے سے گلے مل کر عید کی مبارک باد دی،عید کی خوشی کے موقع پر بھی لوگ بڑی تعداد میںاپنے آباؤ اجداد کی قبروں پر ایصال ثواب کے غرض سے قبرستانوں کا رخ کرتے دکھائے دئیے ، گھروں میں عمدہ و لذیز اور میٹھے پکوان تیارکئے گئے اوربچے شہر کے واحد تفریحی پارک میں سیر و تفریح کے ساتھ ساتھ جھولوں سے لطف اندوز ہوتے رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹنڈوآدم(رپورٹ٭کامران انصاری)حیسکو ٹنڈوآدم کی جانب سے مسلسل لوڈشیڈنگ نے شہریوں کی عید کی خوشیوں میں بھنگ ڈال دیا عید کے تینوں دن کئی کئی گھنٹوں بجلی کی لوڈشیڈنگ کی گئی جسکی وجہ سے شدیدگرمی سے شہریوں کا برا حال ہوگیا اور وہ عید کو انجوائے کرنے کہیں نہ جاسکے اور رات میں لوڈشیڈنگ سے عید کے پروگرام بے مزہ ہوگئے اور اسطرح حیسکو نے ٹنڈوآدم کی عوام کو عید کی خوشیوں میں بھنگ ڈال کر عید کو بے مزہ کر دیا۔