کراچی (اسپورٹس رپورٹر) ڈسٹرکٹ فٹ بال ایسوسی ایشن سائوتھ کے زیر اہتمام بنک الفلاح کے تعاون سے ککری گرائونڈ لیاری پر جاری بنک الفلا ح ڈسٹرکٹ سائوتھ فٹ بال چمپئن شپ میں مزید 3میچوں کے فیصلے ہوگئے۔
کھیلے گئے پہلے میچ میں ینگ ہلال نے مد مقابل کالونی اسٹار کو پنالٹی ککس پر شکست دیدی ،دوسرے میچ میں کراچی محمڈن نے ینگ اسلام کو شکست سے دو چار کردیا جبکہ کھیلے گئے تیسرے میچ میں کلاکوٹ یونین نے ہمالیہ محبوب کو 4-2سے مات دیکر اگلے مرحلے کے لئے کولیفائی کرلیا۔
کلا کوٹ یونین کے علی ،گلریز ،اسد اور حبیب نے گول اسکور کئے جبکہ ہمالیہ محبوب کے نواز اور افضل ہی گول کرنے میں کامیاب ہوسکے ۔ٹورنامنٹ میں کھیلے گئے میچوں میں ریفریز کے فرائض اعظم انور ،واجد ،پرویز یوسف ،جاوید سرور نے انجام دیئے جبکہ میچ کمشنر اللہ بخش بلوچ اور میڈیا کوارڈینٹر شیر افضل تھے۔
پولیس تھانہ صدر نے پانچ روز قبل خاتون کے اندھے قتل کا سراغ لگا لیا
بلو موومنٹ فٹ بال کلب نواب شاہ کا سالانہ اجلاس، نئے عہدیداروں کا چنائو