بنیامین نیتان یاہو اور پرنس محمد بن سلمان کے درمیان خفیہ ملاقات

Benamen Netanyahu - Mohammad bin Salman

Benamen Netanyahu – Mohammad bin Salman

سعودی عرب (جیوڈیسک) اسرائیل کے وزیر اعظم بنیامین نیتان یاہو اور سعودی عرب کے ولی عہد پرنس محمد بن سلمان نے اردن میں خفیہ ملاقات کی۔

اسرائیل کے روزنامہ ماریو maariv میں شائع شدہ خبر میں دعوی کیا گیا ہے کہ نیتان یاہو اور سلمان کے درمیان اردن کے دارالحکومت عمان کے شاہی پیلس میں ملاقات ہوئی۔

مذاکرات ، وائٹ ہاوس کے مشیر اوّل جیرڈ کشنر اور امریکہ کے مشرق وسطیٰ کے سفیر جیسن گرین بلاٹ کے گذشتہ ہفتے دورہ عمان کے دوران کئے گئے۔

خبر کے مطابق اردن کے شاہ عبداللہ دوئم نے مذاکرات میں ثالث کا کردار ادا کیا۔

خبر میں کہا گیا ہے کہ دونوں ملکوں کے درمیان سفارتی تعلقات موجود نہیں ہیں تاہم یقین کے ساتھ کہا جا سکتا ہے کہ دونوں ملکوں کے درمیان خفیہ رابطہ موجود ہے۔

واضح رہے کہ سعودی ولی عہد پرنس محمد بن سلمان نے امریکہ میں ‘دی اٹلانٹک ‘ جریدے کے لئے اپنے انٹرویو میں بھی کہا تھا کہ وہ اس بات پر یقین رکھتے ہیں کہ فلسطینیوں اور اسرائیلیوں کو اپنی زمین کا مالک بننے کا حق حاصل ہے لیکن امن سمجھوتے کا طے پانا ضروری ہے۔