بھمبر کی خبریں 25/11/2016

KFFB Protest

KFFB Protest

بھمبر (ڈسٹرکٹ رپورٹر) جموں و کشمیر لبریشن فرنٹ (شاہین) کی مرکزی وائس چیئر پرسن محترمہ شائستہ خالد نے کہا کہ بھارتی افواج کی بزدلانہ کاروائیاں کشمیر قوم کے جذبہ آزادی کو سرد نہیں کرسکتی کشمیری اپنے حق خودارادیت سے کسی صورت دستبردار نہیں ہونے نیدر مودی بھارتی افواج کو کشمیریوں کی نسل کشی کی کھلی اجازت دے رکھے ہے مقبوضہ کشمیر اور کنٹرول لائن پر بھارتی افواج کی انسانی حقوق کی خلاف ورزیوں کا عالمی برادری نوٹس لے ۔ان خیالات کا اظہار انہوں نے پرنٹ میڈیا کے نمائندگان سے گفتگو کرتے ہوئے کیا۔انہوں نے کہا کہ مقبوضہ کشمیر میں جاری آزادی کی تحریک کو کامیاب ہوتے ہوئے دیکھ کر بھارت حواس بافتہ ہوچکا ہے دنیا کی توجہ مسئلہ کشمیر سے ہٹانے کیلئے بھارت سیز فار لائین پر بلا اشتعال فائرنگ اور گولہ باری کرکے بے گنا ہ شہریوں اور معصوم بچوں کو اپنی درندگی کا نشانہ بنا رہا ہے بھارت جتنا مرضی ظلم کرلے کشمیری کسی صورت اپنے حق خو دارادیت سے دستبردار نہیں ہونگے ، سیز فائرلائن کے دونوں اطراف نقصان کشمیریوں کا ہورہا ہے بھارتی افواج کی گولہ باری اور فائرنگ سے متاثر ہونے والوں خاندانوں کو ایک ایک لاکھ روپے فی خاندان دے اور انکی بحالی کیلئے فوری طور پر عملی اقدامات اٹھا ئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(ڈسٹر کٹ رپورٹر) ڈسٹرکٹ ایجوکیشن آفیسر محترمہ نسرین سلطانہ نے کہا کہ استاد کبھی ریٹائرڈ نہیں ہوتا ، پرنسپل محترمہ شاھدہ پروین کی محکمہ تعلیم کیلئے گراں قدر خدمات ہیں ، موصوفہ نے نے زندگی کا ایک سفر انتہائی کامیابی سے طے کرلیا ہے آج محکمہ تعلیم سے عزت ووقار کے ساتھ ریٹائرڈ ہورہی ہیں بہت کم لوگ ہوتے ہیں جو اپنی سروس پوری کرکے ریٹارئرمنٹ تک پہنچتے ہیں محترمہ شاھد پروین کی تعلیمی خدمات کو ہمیشہ تایر میں سنہری حروف میں لکھا جائے گا ۔انخیالات کا اظہار انہوں نے پرنسپل گورنمنٹ گرلز ہائیر سیکنڈری سکول باغچگر محترمہ شاھدہ پروین کی ریٹارئرمنٹ کے موقع پر سٹاف کی طرف سے دی گئی الوداعی پارٹی سے بطور مہمان خصوصی خطاب کرتے ہوئے کیا ، الوداعی تقریب سے ڈسٹرکٹ ایجوکیشن آفیسر مردانہ چوہدری محمد اشرف، محترمہ ارشاد سہلریا ، محترمہ زاہدہ پروین، محترمہ خالدہ پروین، محترمہ یاسمین ، محترمہ شازیہ پروین سمیت دیگر نے خطاب کیا۔ مقررنین نے محترمہ شاہدی پرویس کو بہترین تعلیمی خدمات پر خراج تحسین پیش کیا اور نیا سفرشروع کرنے پر نیک تمنائوں کا اظہار کیا جس طرح محکمہ تعلیم میں کامیا بی حاصل کی اﷲ تعالی انہیں زندگی کے دیگر حصے میں بھی کامیابی و کامران عطا فرمائے ۔ محکمہ تعلیم ان کے تجربہ اور قابلیت سے ہمیشہ فائدہ اٹھاتا رہے گا پرنسپل محترمہ شاھدہ پروین نے کہا کہ شاندار پارٹی کا اہتمام کرنے پر محکمہ تعلیم اور سٹاف کا شکریہ ادا کرتی ہوں محکمہ تعلیم میں جو عزت ملی وہ میری زندگی کا اثاثہ ہے محکمہ تعلیم کو جب بھی میری ضرورت پڑی گئی تو میری خدمات حاضر ہونگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(ڈسٹر کٹ رپورٹر) سابق کونسلر راجہ علی شان ، ٹھیکیدار راجہ مناف احمد ، سابق پوٹیکل سیکرٹری صدر ریاست راجہ فہیم اختر آف بڑھنگ نے مشترکہ بیان میں کہا کہ وزیراعظم آزادکشمیر راجہ فاروق حیدر کی گڈ گورننس کا بھمبر میں جنازہ نکالا جارہا ہے گڈ گورننس کے نام پر بیڈ گورننس ہورہی ہے سرکاری ملازمین کو سیاسی انتقام کا نشانہ بنایا جارہا ہے خواتین ملازمین کو بھی سیاسی انتقام کی بیٹ چڑھا یا جارہا ہے ان خیالات کا اظہار انہوں نے میڈیا نمائندگان سے گفتگو کرتے ہوئے کیا انہوں نے کہا کہ اگر حکومت نے انتقامی کاروائیاں بند نہ کی تو پھر بھمبر میں دما دم مست قلندر ہوگا ۔وزیراعظم راجہ فاروق حیدر کے گڈ گورننس ، قانون انصاف اور میرٹ کے دعوئے بھمبر میں کئی نظر نہیں آتے ہیں بھمبر میں بیڈ گورننس ، لاقانونیت، انصاف کا قتل اور میرٹ کی پامالی جاری ہے مسلم لیگ نون کو ووٹ نہ دینے والے سرکاری ملازمین سے سیاسی انتقام لیا جارہا ہے سرکاری مرد ملازمین کے ساتھ ساتھ خواتین کو سیاسی انتقام کا نشانہ بنایا جارہا ہے جس کی ہم بھرپور مذمت کرتے ہیں محکمہ تعلیم، محکمہ امور حیوانات، محکمہ مال کو سنیئر وزیر نے یرغمال بنا رکھا ہے انہوں نے کہا کہ حکومت انتقامی تبادلہ جات فی الفور منسوخ کرے بصورت دیگر ہم حکومت کی بیڈ گورننس کے خلاف احتجاجی تحریک شروع کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(ڈسٹر کٹ رپورٹر) ڈائریکٹر جنرل کسگمہ ہسپتال جاوید اقبال راجہ نے صحافیوں سے گفتگو کرتے ہوے کہا کہ کسگمہ جنرل ہسپتال کی ترقی کی راہ میں روڑے اٹکائے جا رہے ہیں۔ راشد رشید ایڈوویکیٹ نے تھری فیس لائن کے خلا ف اس لئے درخواست دی ہے کہ اُن کا پلاٹ متاثر ہو رہا ہے۔ جبکہ میں نے محکمہ برقیات کے حکام سے تھری فیس لائن پر کا م شروع کرنے سے پہلے بات چیت کی اور اُن سے پوچھا کہ ہسپتال کی تھری فیس لائن کے روٹ سے کسی بھی شخص کی ذاتی اراضی کو نقصان تو نہیں پہنچے گا۔ جواب ملا کہ تھری فیس لائن واپڈا کی مختص کردہ سنگل لائن کے ساتھ ہی لگے گی جو کہ پہلے سے ہی راشد رشید کے پلاٹ کے باہر سے گزر رہی ہے۔ جس پر میں نے تھری فیس لائن کے لئے درخواست جمع کروا دی۔ تھری فیس لائن پر کام شروع ہوا تو پا کستان مسلم لیگ (ن) تحصیل بھمبرکے جنرل سیکرٹری راشد رشید ایڈووکیٹ کسگمہ جنرل ہسپتال کی تھری فیس لائن کے خلاف ایکسیئن برقیات میرپورکو درخوات جمع کروا دی۔ جس کے نتیجے میں تھریفیس لائن کا کام روک دیا گیامحترم راشد رشید ایڈووکیٹ نہ صرف پاکستان مسلم لیگ (ن)تحصیل بھمبر کے جنرل سیکرٹری بھی ہیں بلکہ خود کو سماجی کارکن بھی کہلاواتے ہیں۔ موصوف کے اس قدم سے غریب لوگوں کے دلوں میں اُن کے لئے نفرت پیدا ہوئی ہے۔ بالخصوص نام نہاد سماجی کارکن کہلوانے والوں کا چہرہ بے نقاب ہوگیا ہے۔موصوف اپنے ایسے اقدامات سے نہ صرف اپنے لیے بلکہ لیڈر شپ کے لئے بھی نفرت پیدا کررہے ہیں۔ یاد رہے کہ کسگمہ جنرل ہسپتال ایک فلاحی ادارہ ہے۔ جو کہ ہزاروں مریضوں کو طبی سہولیت مہیا کر رہا ہے اور کسگمہ ہیلتھ ویلفئیرٹرسٹ کی سرپرستی میں غریب اور نادار لوگوں کا مفت علاج بھی کر رہا ہے۔میری سینیئر وزیر ،وزیرِ برقیات و دیگر اعلیٰ حکام سے گزارش ہے کہ اس معاملے کی تحقیق کر کے فوری طور پر حل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(ڈسٹر کٹ رپورٹر) مسلم کانفرنس کے صدر سردار عتیق احمد خان نے اقبال انقلابی کو متاثرین کنٹرول کے مسائل کے حل کیلئے بھمبر کا چیف کوآرڈنیٹر مقرر کردیا ، متاثرین کی عارضی رہائش اور دیگر مسائل کے حل کیلئے اقدامات کرنے کی ہدایت جاری ۔ تفصیلات کے مطابق آل جمو ں وکشمیر مسلم کانفرنس کے صدر سردار عتیق احمد خان نے مسلم کانفرنس کے مرکزی راہنما اقبال انقلابی (ر) تحصیلدار کو متاثرین کنٹرول لائن کے مسائل حل کرنے کیلئے ضلع بھمبر کا چیف کوآرڈنیٹر مقرر کردیا ہے اور ہدایت جاری کی ہیں کہ بھارتی افواج کی فائرنگ اور گولہ باری سے متاثر ہو کر گھربار چھوڑ کرآنے والے متاثرین کی عارضی رہائش سمیت دیگر مسائل کے حل کیلئے ضرور ی اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(بیورورپورٹ ) کنٹرول لائین پر بھارت افواج کی بلااشتعال فائرنگ اور گولہ باری کے خلاف آل پارٹیز فریڈم فورم بھمبر کے زیر اہتمام احتجاجی جلوس نکالا گیا ، احتجاجی جلوس میلاد چوک سے شروع ہو کر لاری اڈہ پہنچ کر اختتام پذیر ہوا ، شرکاء جلوس بھارتی افواج کے خلاف شدید نعرے بازی کی احتجاجی جلوس کے شرکاء سے آل پارٹیز کشمیر فریڈم فورم بھمبر کے صدر خالد پرویز بٹ، سنیئر نائب صدر مولانا شعیب احمد، جنر ل سیکرٹری محمد علی اختر، کوآرڈینٹر چوہدری خالد حسین، سیکرٹری اطلاعات مولانا ابرابر نذیر، اقبال انقلابی اور راجہ آفتاب عظیم نے خطاب کرتے ہوئے کہا کہ بھارتی افواج کی کنٹرول لائین پر بلا اشتعال نتے شہریوں اور معصوم بچوں پر فائرنگ گولہ باری بزدلانہ حرکت ہے بھارت طاقت کے زور پر کشمیریوں کی آزادی کی تحریک کو دبانے میں ناکام ہونے کے بعد بوکھلاہٹ کاشکار ہوکر کنٹرول لائن پر اشتعال انگیز ی کرکے جنوبی ایشیا کو جنگ کے خطرات میں ڈالنا چاہتا ہے بھارت کے جنگی جنون سے پورے خطے میں ایٹمی جنگ کے بادل مڈ لا رہے ہیں بھارت کے کنٹرول پر حالات خراب کرکے مقبوضہ کشمیر میں جاری آزادی کی تحریک کو سبوتاثر نہیں کرسکتا ہے کشمیر ی قوم نے بھارت سے آزادی حاصل کرنے کا معلم ارادہ کررکھا ہے آزادی کے لیے بڑی سے بڑی قربانی دینے کیلئے تیار ہیں بھارتی فائرنگ اور گولہ باری کشمیریوں کے نہ تو حوصلے پست کرسکتی ہے اور نہ ہی کشمیریوں کو جدوجہد آزادی سے روک سکتی ہے انہوں نے کہا کہ ایک طرف بھارتی افواج کشمیریوں کی نسل کشی کررہی ہے کنٹرول لائین پر آباد لوگ پاکستان کے دفاعی حصار ہیں کنٹرول لائین سے متاثر ہونے والے لوگوں کو حکومت فوری طور پر عارضی رہائش فراہم کرے اور اسکے ساتھ ساتھ فی خاندان کو فی طور پر ایک ایک لاکھ روپے دے تاکہ متاثرین جلدازجلد بحالی کو ممکن بنایا جائے،۔ انہوں نے کہا کہ حکومتی نمائندے فوٹو سیشن پر کروڑوں روپے خرچ کرنے کے بجائے ان فنڈز کو متاثرین کی بحالی پر خر چ کریں۔