بھمبر کی خبریں 13/12/2016

Bhimbar

Bhimbar

بھمبر (ڈسٹرکٹ رپورٹر) سماجی تنظیم یونائیٹڈ ویلفیئر فائونڈیشن کے ساتھ م مخیر حضرات کا تعاون جاری . 15 دنوںمیں دوسری ایمبولینس کا عطیہ سپین میں مقیم اورسیز پاکستانی محمد امجد چوہدری آف تھلہ کا فائونڈیشن کیلئے ایمبولینس جبکہ کینڈا میں مقیم اورسیز کشمیری ایم بی وقاص آف کجلورکا 50 ہزار روپے دینے کا اعلان فائونڈیشن کے عہدیدارن کا بھرپور تعاون مخیر حضرات کو زبردست الفا ظ میں خراج تحسین تفصیلات کے مطابق حال ہی میں بھمبر میں رفاعی اور فلاحی کاموں کیلئے قائم ہونے والی سماجی تنظیم یونائیٹڈ ویلفیئر فائونڈیشن کے ساتھ مخیر حضرات کا بھرپور تعاون جاری ہے مخیر حضرات کی طرف سے 15 دنوں میں فائونڈیشن کیلئے دو ایمبولینس کا عطیہ دیا گیا سپین میں مقیم اورسیز پاکستانی محمد امجد چوہدری آف تھلہ (جابہ) نے فائونڈیشن کیلئے ایک عدد ایمبولینس گاڑی عطیہ کرنے کا علان کیا ہے جبکہ کینڈا میں مقیم اورسیز کشمیری ایم بی وقاص آف کنجلور برنالہ نے 50 ہزار روپے کی ڈونیشن دینے کا اعلان کیا ہے فائونڈیشن کے عہدیداران نے مخیر حضرات کی طرف سے بھرپور تعاون کرنے پر انکو زبردست الفاظ میں خراج تحسین پیش کیا ہے اور کہا کہ فائونڈیشن مخیر حضرات کی تو قعات پر اپورا اترے گی انسانیت کی خدمت ہوتی ہوئی نظر آئے گی مخیر حضرات کا ایک ایک پیسہ پوری ایمانداری اور زمہ داری کے ساتھ انسانیت کی خدمت پر خرچ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹر کٹ رپورٹر) سابق ایڈمنسٹریٹر ٹاون کمیٹی سماہنی راجہ ظفر اقبال نے کہا کہ چوہدری علی شان سونی حلقہ سماہنی کے عوام کے منتخب نمائندے ہیں سماہنی کے عوام انکو اپنا سچا سمجھتے ہیں اس لیے انکو 3باربھاری اکثریت سے ممبر اسمبلی منتخب کیا ہے انکے گھر پر بلاجواز چھاپہ پولیس گردی اور لاقانونیت ہے پولیس نے جان بوجھ کر چادر اور چار دیواری کے تقدس کو پامال کیا ہے ضلعی انتظامیہ مخالفین کے ہاتھوں میں کھیل کر حلقہ سماہنی کے حالات خراب کررہی ہے انتظامیہ کا کام لوگوں کے جان و مال کا تحفظ کرنا ہوتا ہے جبکہ یہاں الٹ ہورہا ہے انہوں نے کہ مخالفین اپنی شکست اور عوامی فیصلے کو تسلیم کریں حلقے کے اندر افراتفری پھیلانے کے بجائے تعمیر وترقی پر توجہ دیں ۔ضلعی انتظامیہ علی شان سونی کوٹارگٹ کرکے اس کو اس کے چاہنے والوں کو ہراسان کرنا چاہتی ہے مسلم لیگ کی مقامی قیادت کہتی ہے کہ آزادکشمیر میں راجہ فاروق حیدر کی سربراہی میں راجپوتوں کی حکومت ہے راجہ فاروق حیدر نے ہمیں طارق فاروق کو چھوڑ کر باقی جاٹوں کو ضلعی انتظامیہ کے ساتھ ملکر کچلنے کا فری ہیڈ دے رکھا ہے انہوں کہا کہ شرافت کا لبادہ اوڑھنے والے راجہ مقصود خان میرے قریبی عزیز ہیں 90سے97 تک میں انکی ٹیم کا حصہ تھا ان کے 90سے90 تک الیکشن لڑنے کے دوران 17افراد قتل ہوئے موصوف اپنے لوگوں کو کہتے تھے کہ مال مویشی فروخت کرکے کلاشکوفیں خرید۔ پولیس اگر کہاولیاں سے لیکر بمیلہ تک آپریشن کرتی تو ایک دو نہیں بلکہ ہزاروں بندوقیں ملتی موجودہ الیکشن بھی اگر فوج کی نگرانی میں نہ ہوتا توا س الیکشن میں 10سے12 افراد قتل ہوتے کیونکہ مخالفین کو ہار برداشت نہیں ہوتی آخری دنوں میں جب وہ ہار دیکھتے ہیں تو لوگوں کو قتل کرکے ہار کو جیت میں تبدیل کرنے کی کوشش کرتے ہیں انہو ں نے کہا کہ ہم عوامی نمائندے اور منتخب ممبر اسمبلی کے گھریلو بلاجواز چھاپہ کی بھرپور مذمت کرتے ہیں اس کی غیر جانبدارانہ صاف اور شفاف انکوائری ہونی چاہیے چادر اور چاردیواری کا تقدس پامال کرنے اور عوامی نمائندگی کی توہین کرنے والوں کے خلاف کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹر کٹ رپورٹر) بھمبر اور گرد نواح میں جشن عید میلا د النبی ۖ پورے مذہبی جوش جذبے اور عقیدت و احترام کے ساتھ منایا گیا ، مساجد اور گھروں پر چراغ، میلاد کی محفلیں ، ریلیاں جلوس کا اہتمام ، فضا ذکر مصطفی سے گونج اٹھی ، جگہ جگہ لنگر تقسیم ، تفصیلات کے مطابق ملک بھمبر کی طرح بھمبر اور گردنواح میں جشن میلاد پورے مذہبی جوش جذ بے اور عقیدت و احترام کے ساتھ منایا گیا ، گھروں اور مساجد کے اوپر خصوصی چراغ کیا گیا ، بازار اور گلی کو بڑی خوبصورتی کے ساتھ سجایا گیا ، بازار میں جگہ جگہ ا سٹیج بنائے گئے نماز فجر کے ساتھ سے دور شریف اور ذکر مصطفی کی خصوصی محفلوں کا اہتمام کیا، مختلف علاقوں میں جشن میلاد کے حوالے سے ریلیاں اور جلوس نکالے گئے سب سے بڑ ا جلوس بھمبر شہر میں نکالا گیا ، مرکزی جلوس میلاد چوک سے شروع ہوا جو مسلم بازار ، میرپور چوک، سماہنی چوک، ہاتھی گیٹ، لاری اڈا، سبزی چوک،منہاس چوک، خادم چوک، شرقی بازار اور مین بازار سے ہوتا ہوا مرکزی جامعہ مسجد میں پہنچ کر اختتا م پذیر ہوا ، مرکزی جلوس کی قیادت پروفیسر مولانا محمد امین الدین، غلام رسول جیلالی، صدر میلاد کمیٹی چوہدری محمد اکرم، قادری دلدار غوث اور دیگر کررہے تھے جبکہ جشن عید میلاد النبی کے موقع پر شہریوں اور مذہبی تنظیموں نے جگہ جگہ لنگر بھی تقسیم کیا ، بھمبر کی فضاء دود شریف اور ذکر مصطفی سے گونج اٹھی ، جلوس کے راستے میں جگہ جگہ اسٹیج بنائے گئے ہے جس پر نعت خوان نے نعت خوانی کی جبکہ علما ء اکرام نے نبی کی سیرت اور ولادت پر تفصیلی روشنی ڈالی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹر کٹ رپورٹر) پاکستان ریڈ کریسنٹ آزادکشمیر سٹیٹ برانچ نے بھمبرمیں لائن آف کنٹرول کی پر بھارتی فائرنگ سے متاثرہ تحصیلوں سماہنی اور برنالہ میں 226متاثرہ خاندانوں میں ریلیف کا سامان تقسیم کیا ۔ سامان میں کمبل ، رضائیاں ، چولہے ، ہیٹرز، صحت و صفائی کا سامان اور گدے شامل تھے ۔یہ سامان پاکستان ریڈ کریسنٹ نیشنل ہیڈ کوارٹرزاسلام آباد کے تعاون سے تقسیم کیا گیا متاثرین میں ریلیف کی تقسیم سونا ویلی، سماہنی ، برنالہ اور پتنی میں کی گئی جہاں پر مجموعی طور پر 226متاثرہ خاندانوں میں ریلیف تقسیم کیا گیا ۔ریلیف تقسیم کرنے کی تقریب سے خطاب کرتے ہو ئے مقامی ممبر اسمبلی کرنل (ر)وقار احمد نور نے کہا کہ ہم پاکستان ریڈ کریسنٹ کے مشکور ہیں جس میں مشکل کی اس گھڑی میں ہمیں یاد کیا ۔انھوں نے کہا کہ مجموعی طور پر حالیہ فائرنگ سے بہت بڑا نقصان ہوا لیکن ایسے وقت میں ریڈ کریسنٹ کے ذمہ داران اور رضا کار ہماری مدد کے لیے پہنچے ہم ان کی خدمات کو ہمیشہ یاد رکھیں گے ۔انھو ں نے کہا کہ ریڈ کریسنٹ بلا رنگ ، نسل ، برادری اور تعلق کے کام کرنے والا قومی ادارہ ہے اور اس میں اور اس نے ہر مشکل وقت میں آفت زدہ لوگوں کی مدد کی ۔پتنی میں فائرنگ سے متاثرہ 76خاندانوں میں ریلیف کا سامان تقسیم کیا گیا ۔سونا ویلی میں ریلیف تقسیم کرنے کی تقریب سے خطاب کرتے ہو ئے اسسٹنٹ کمشنر راجہ عارف نے کہا کہ ہم ریڈ کریسنٹ کے مشکور ہیں کہ اس نے فائرنگ سے متاثر ہو نے والے لوگوں کی مدد کرنے میں ہمارا ساتھ دیا انھوں نے کہا کہ پاکستان ریڈ کریسنٹ کے رضا کاروں نے قدرتی آفات اور دیگر سانحات میں لوگوں کی تکالیف کو کم کرنے کے لیے اہم کردار ادا کیا ۔انھوں نے کہا کہ پاکستان ریڈ کریسنٹ کے قدرتی اثرات کو کم کرنے ، رسک ایجوکیشن اور فرسٹ ایڈ پروگرام آفات کے اثرات اور لوگوں کی تکالیف کو کم کرنے میں اہم کردار ادا کر رہے ہیں انھوں نے کہا کہ ضلعی انتظامیہ پاکستان ریڈ کریسنت کے ساتھ اپنا تعاون جاری رکھے گی ۔مقامی کمیونٹی کے نمائندے منیر اللہ نے کہا کہ اس مشکل وقت میں پاکستان ریڈ کریسنٹ کا یہاں آنا اور ہمیں یاد رکھنا ہمیشہ یاد رہے گا انھو ں نے کہا کہ ہم نے اس ادارے کا نام سنا تھا لیکن آج حقیقت میں ریڈ کریسنٹ کی خدمات سے مستفید ہو ئے تقریب سے ریڈ کریسنٹ کے ڈیزاسٹر مینجمنٹ مینجر اسرار ارباب عباسی فرسٹ ایڈ کو آرڈینیٹر یاسر جوش ، بابر جاوید اور فیصل مسعود جرال نے بھی خطاب کیا اور تقریب میں بیٹھے شرکاء کو پاکستان ریڈ کریسنٹ ، سر گرمیوں ، تاریخ اور رہنما اصولوں کے بارے میں بتایا یا د رہے کہ پاکستان ریڈ کریسنٹ اس سے قبل تتہ پانی میں پونچھ سیکٹر میں انڈین فائرنگ سے متاثرہ 135خاندانوں میں ریلیف کا سامان تقسیم کر چکی ہے۔