بھمبر کی خبریں 09.03.2013

Posted on March 9, 2013 By Geo Urdu سٹی نیوز

بھمبرمیں واٹر سپلائی لائن بچھانے کاکام شروع
بھمبر(ڈسٹرکٹ رپورٹر)بھمبرمیں واٹر سپلائی لائن بچھانے کاکام شروع ٹھیکیدار متعدد جگہوں سے کام مکمل ہوجانے کے باوجود اکھیڑی سڑکیں اور گلیاں مرمت کرنے میں ناکام سڑکوں گلیوں میں جابجا ریت اوربجری کے ڈھیر شہریوں کیلئے وبال جان بن گئے اعلیٰ حکام سے نوٹس لیکر اصلاح واحوال کا مطالبہ تفصیلات کیمطابق بھمبر شہر کے مختلف حصوں میں نئی واٹر سپلائی لائن بچھانے کاکام انتہائی سست روری سے شروع ہے ٹھیکیدار مختلف بازاروں اور گلیوں کو ادھیڑ کر دوبارہ کنکریٹ کرنے میں مکمل ناکام نظر آرہا ہے گلیوں اور سڑکوں کی مرمت کیلئے ریت اور بجری کے جابجا ڈھیر لگا کر کام ادھورا چھوڑ دیا گیا ہے اکھڑی سڑکوں گلیوں اور جابجا لگے کنسٹرکنشن مٹیریل کے ڈھیروں نے شہریوں کو مزید پریشانی میں مبتلاء کر دیا ہے بھمبرکے عوامی اور شہری حلقوں نے ڈپٹی کمشنر بھمبر سے ٹھیکیدار کی غفلت اور کام میں سست روی کا نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی کمشنر نیلم راجہ ثاقب منیر آزادکشمیر بیوروکریسی کاایک درخشندہ ستارے تھے
بھمبر(ڈسٹرکٹ رپورٹر)ڈپٹی کمشنر نیلم راجہ ثاقب منیر آزادکشمیر بیوروکریسی کاایک درخشندہ ستارے تھے وہ ایک باکردار ،باصلاحیت ،ایماندار اور فرض شناس آفیسر تھے انکی اچانک وفات ناگہانی موت آزادکشمیر بھر اور بالخصوص ضلع بھمبرکے عوام کیلئے کسی سانحے سے کم نہ ہے ان خیالات کااظہار مسلم لیگ ن بھمبر کے راہنما چوہدری گلزار احمد سیالوی ایڈووکیٹ نے اپنے ایک تعزیتی بیان میں کیا انہوں نے کہاکہ راجہ ثاقب منیر نے کم عمری میں اپنی صلاحیتوں کا لوہا منوایا انہوں نے اپنے فرائض منصبی احسن انداز سے نبھائے انکی اچانک وفات سے نہ صرف انکے عزیز و اقارب کو شدید صدمہ ہوا ہے بلکہ پورے آزادکشمیر کے لوگ اور بالخصوص ضلع بھمبر کے لوگ سوگوار ہیں انکی خدمات مدتوں یاد رکھی جائیںگی اللہ تعالیٰ لواحقین کو صبروجمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر ی بھارت کے مظالم کے آگے سرخم نہیں کرینگے بھارت کشمیری راہنماؤں کو پھانسیاں دیکر تحریک آزادی کو دبانہیں سکتا
بھمبر(ڈسٹرکٹ رپورٹر)کشمیر ی بھارت کے مظالم کے آگے سرخم نہیں کرینگے بھارت کشمیری راہنماؤں کو پھانسیاں دیکر تحریک آزادی کو دبانہیں سکتا کشمیری اپنی صفوں میں اتحاد پیدا کرکے جدوجہد کریں آزادی مقدر بن جائیگی ان خیالات کااظہار سینئر نائب صدر پیپلزپارٹی ضلع بھمبر ملک لیاقت عزیز اعوان نے بھمبرمیں کارکنان کے ایک اجلاس سے خطاب کرتے ہوئے کیا انہوں نے کہاکہ مدت مدیر سے کشمیری اپنی آزادی کیلئے جدوجہد کررہے ہیں مقبول بٹ شہید کے بعد اب کشمیری افضل گورو کی شہادت کے بعد تحریک آزادی نے ایک بار پھر زور پکڑ لیا ہے پیپلزپارٹی کے قائد ذوالفقار علی بھٹو نے کشمیر کی آزادی کیلئے ایک ہزار سال جنگ لڑنے کا عہد کیا تھا یہی وجہ ہے کہ پیپلزپارٹی کے ہردور حکومت کے اندر مسلہ کشمیر کو خاص اہمیت دی گئی اور مسلہ کشمیر کو بین الاقوامی فورم پر اجاگر کرنے کیلئے تمام وسائل بروئے کار لائے گئے انہوں نے کہاکہ بھارت اب جتنے بھی مظالم ڈھالے کشمیریوں کو ان کی منزل آزادی سے دور نہیں رکھ سکتا کشمیری اپنی صفوں میں اتحاد رکھتے ہوئے ملکر جدوجہد کریں آزادی کشمیریوںکا مقدر بن چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر فریڈم موومنٹ کا ایک تعزیتی اجلاس زیر صدارت محمود الحسن ایڈووکیٹ منعقد ہوا
بھمبر(ڈسٹرکٹ رپورٹر)کشمیر فریڈم موومنٹ کا ایک تعزیتی اجلاس زیر صدارت محمود الحسن ایڈووکیٹ منعقد ہوا اجلاس میں ڈپٹی کمشنر نیلم راجہ ثاقب منیر کی اچانک وفات پر گہرے دکھ اور غم کا اظہار کیا گیا اور کہاکہ راجہ ثاقب منیر آزادکشمیر کے
اندر قانو ن و انصاف کی علامت تھے انکی حادثاتی موت نے آزادکشمیر بھر میں سوگ کی فضاء پیدا کر دی ہے ہم دکھ اور غم کی اس گھڑی میں لواحقین سے اظہار ہمدردی کرتے ہیں اجلاس میں مرحوم کی روح کے ایصال ثواب کیلئے فاتحہ خوانی بھی کی گئی اجلاس میں سٹی صدر مشتاق احمد کاشر،احسن لطیف ،چوہدری آفتاب متیالوی،رومان رضا،عنصرمحمود،چوہدری سلیم ساگرسمیت دیگرنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مارچ کو سیرلہ میں عظیم الشان محفل میلاد مصطفی صلی اللہ علیہ وسلم منعقد ہو گی
بھمبر(ڈسٹرکٹ رپورٹر)12مارچ کو سیرلہ میں عظیم الشان محفل میلاد مصطفی صلی اللہ علیہ وسلم منعقد ہو گی محفل میلاد میں پاکستان کے نامور قاری اور نعت خوان شرکت کرینگے تفصیلات کیمطابق میلاد کمیٹی سیرلہ کے زیر اہتمام 12مارچ بروز منگل بعد از نماز عشاء بمقام مرکزی عید گاہ سیرلہ میں عظیم الشان محفل میلاد مصطفی صلی اللہ علیہ وسلم منعقد ہوگی محفل میلاد میں پاکستان کے نامور قاری طارق نعیمی ،نعت خوان اویس برادران ،محمد عثمان عطاری خصوصی شرکت کرینگے محفل میلاد کی صدارت حاجی نذرخان جبکہ خصوصی خطاب حضرت علامہ مولانامفتی حنیف قریشی آف راولپنڈی کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدمت مرکز کے زیر اہتمام دورروزہ فری آئی کیمپ 11اور12مارچ کو کمیونٹی ہال بھمبرمیں لگایا جائیگا
بھمبر(ڈسٹرکٹ رپورٹر)خدمت مرکز کے زیر اہتمام دورروزہ فری آئی کیمپ 11اور12مارچ کو کمیونٹی ہال بھمبرمیں لگایا جائیگا تفصیلات کیمطابق خدمت مرکز کے زیر اہتمام 11اور 12مارچ کو کمیونٹی ہال بھمبرمیں دو روزہ فری آئی کیمپ لگایا جائیگا فری آئی کیمپ میں پاکستان کے نامور آئی سپیشلسٹ ڈاکٹر ز مریضوں کا چیک اپ کرینگے اور آپریشن کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلزپارٹی کی ذیلی تنظیم PSFضلع بھمبر کے صدر بشارت رضا اور سیکرٹری جنرل محمد علی عمیر نے مشترکہ بیان میں کہاکہ پاکستان پیپلزپارٹی وفاق کی علامت ہے
بھمبر(ڈسٹرکٹ رپورٹر)پاکستان پیپلزپارٹی کی ذیلی تنظیم PSFضلع بھمبر کے صدر بشارت رضا اور سیکرٹری جنرل محمد علی عمیر نے مشترکہ بیان میں کہاکہ پاکستان پیپلزپارٹی وفاق کی علامت ہے جمہوریت کی بقاء کیلئے ہزاروں جیالوں نے اپنے پارٹی قائدین سمیت جانی قربانیاں دیکر پاکستان کو اندرونی اور بیرونی محاذوں پر استحکا م سے نوازا ہے پارلیمنٹ ،عدلیہ اور میڈیا کی مضبوطی و آزادی کا کریڈٹ پاکستان پیپلزپارٹی کو جاتا ہے پاکستان آج زرعی شعبے میں خود کفیل ،ملکی دفاع ناقابل تسخیر اور عالمی دنیا سے مربوط اور مستحکم روابط کا کریڈٹ صدرپاکستان آصف علی زرداری اور انکی پالیسیوں کو جاتا ہے پاکستان پیپلزپارٹی نے ملکی فیڈریشن کی مضبوطی کیلئے صوبوں کو خود مختاری دی غربت و افلاس کے خاتمہ کیلئے عالمی میعار کا بی آئی ایس پی پروگرام دیا جس سے ملک کی لاکھوں خواتین معاشی طور پر باوقار ہوئیں توانائی کے بحران سے نجات دلانے کیلئے تمام تردباؤ کے باوجود ایران سے معاہدہ کیا اور ٹریڈ کو فاسٹ ٹریک پر لانے کیلئے چائینہ کو پورٹ دیا ان خیالات کااظہار انہوں نے صحافیوں سے ملاقاے کے دوران کیا انہوں نے کہاکہ پاکستان پیپلزپارٹی آمدہ الیکشن میں بھرپور کامیابی لیکر دوبارہ پارلیمنٹ کا حصہ بن کر حکومت بنائے گی پارٹی چیئرمین بلاول بھٹو زرداری کی ہدایت پر آزادکشمیر بھرکی PSFچاروںصوبوںمیں بھرپور انتخابی مہم چلائے گی اور پارٹی ٹکٹ ہولڈروں کی کامیابی کیلئے بھرپور مہم کرے گی انہوں نے کہاکہ آزاد خطہ میں پی پی حکومت مستحکم ہے اور اپنی آئینی مدت پوری کرے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپرنٹنڈنٹ جیل راجہ امجد ارشاد آف بڑھنگ برین ہیمبرج کا اٹیک ہونے سے وفات پا گئے
بھمبر(ڈسٹرکٹ رپورٹر)سپرنٹنڈنٹ جیل راجہ امجد ارشاد آف بڑھنگ برین ہیمبرج کا اٹیک ہونے سے وفات پا گئے مرحوم کو نماز جنازہ کے بعد انکے آبائی گاؤں بڑھنگ میں سپرد خاک کر دیا گیا تفصیلات کیمطابق سپرنٹنڈنٹ جیل راجہ امجد ارشاد آف بڑھنگ گزشتہ روز اسلام آباد میں برین ہیمبرج کا اٹیک ہونے سے وفات پا گئے مرحوم ڈسٹرکٹ جیل پلندری میں تعینات تھے مرحوم کو نماز جنازہ کے بعد انکے آبائی گاؤں بڑھنگ میں سپردخاک کر دیاگیا نماز جنازہ میں سیاسی وسماجی راہنماؤں محکمہ پولیس کے ملازمین و آفیسران ،عوام علاقہ اور عزیزواقارب نے بڑی تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلا احمد علی بوکن سپرایٹ ٹیپ بال کرکٹ ٹورنامنٹ 24مارچ کو بھمبرسٹیڈیم کیساتھ والے گراؤنڈ میں کھیلا جائے گا
بھمبر(ڈسٹرکٹ رپورٹر)پہلا احمد علی بوکن سپرایٹ ٹیپ بال کرکٹ ٹورنامنٹ 24مارچ کو بھمبرسٹیڈیم کیساتھ والے گراؤنڈ میں کھیلا جائے گا ٹورنامنٹ میںضلع بھرکی ٹیمیں حصہ لیں گی تفصیلات کیمطابق 24مارچ کو بھمبرمیں پہلا چوہدری احمدعلی بوکن سپر ایٹ ٹیپ بال کرکٹ ٹورنامنٹ شروع ہو گا ٹورنامنٹ بھمبر سٹیڈیم کیساتھ والے گراؤنڈ میں کھیلا جائیگا ٹورنامنٹ میں ضلع بھر کی ٹیمیں حصہ لیں گی۔