لاہور (جیوڈیسک) بالی ووڈ سے آفرز کے باوجود میری پہلی ترجیح پاکستانی فلم ہی رہی ہے ہدایتکار محسن علی کی فلم میں مرکزی کردار نبھارہی ہوں اس فلم کی شوٹنگ رواں ماہ شروع ہو جائے گی معیاری فلمیں بنانے کا سلسلہ جاری رہا تو سینماؤں میں صرف پاکستانی فلمیں ہی نمائش ہوا کریں گئیں۔
ان خیالات کا اظہار ماڈل واداکارہ نیلم منیر نے ا پنے ایک انٹرویو میں کیا۔ اداکارہ کا کہنا تھا کہ فلم مقبول میڈیم ہے مگر اس کا مطلب ہرگز نہیں کہ ٹیم اور اسکرپٹ دیکھے بغیر ہی فلم سائن کرلی جائے۔
مجھے صرف پاکستانی ہی نہیں بالی ووڈ سے ابھی تک آفرز ہیں،جن میں کام کرنے کے لیے اسی وقت ہاں کروں گی جب مجھے اپنا کردار پسند آیا۔ڈائریکٹر محسن علی نے میرے مزاج کو اچھی طرح جانتے ہیں اسی لیے انھوں نے پہلے میرا کردار سنایا ۔نیلم منیر نے کہا کہ میری خواہش ہے کہ بطور اداکارہ ایسی پرفارمنسز دوں جو مدتوں یاد رہیں ۔سٹیلائٹس کے اس دور میں جب سو سے زائد چینلز پر ملکی اور غیر ملکی ڈرامہ سیریلز بیک وقت چل رہے ہوں۔
ان میں ناظرین کو اپنی طرف متوجہ کرنا ایک مشکل ٹاسک ہے۔خوش قسمت ہوں کہ بطور اداکارہ اپنی ایک الگ پہچان بناچکی ہوں اور لوگ میرے کرداروں کے حوالے سے جانتے ہیں۔پردہ اسکرین پر بھی چاہنے والوں کو سرپرائز دینا چاہتی تھی ، محسن علی کی فلم میں احسن خان کے مقابل مرکزی کردار کر رہی ہوں یہ ایک میوزیکل رومانٹک فلم ہوگی جس کی کراچی میں اپریل تک شوٹنگ ہوگی جبکہ گانے بیرون ملک شوٹ کیے جائیں گے۔
ایک سوال کے جواب میں نیلم منیر نے کہا کہ کامیابی اور ترقی اسے ہی ملتی ہے جو راستے میں آنے والی رکاوٹوں کو عبور کرنے کا حوصلہ رکھتے ہیں ۔ اپنے سنیئرز کو ہمیشہ عزت واحترام دیا اور وہ بھی بھرپور سپورٹ کرتے ہیں ۔ اپنے حوالے سے اڑائی جانیو الی افواہوں سے پریشان نہیں ہوتی بلکہ انجوائے کرتی ہوں۔
ڈریم گرل کے عجب کرپشن کی گجب کہانی
کراچی میں مکمل امن ہونے تک رینجرز موجود رہے گی، وزیر اعظم نواز شریف