لاہور (جیوڈیسک) اداکارہ عمائمہ ملک نے کہا ہے بالی ووڈ میں عزت سے کام کیا اور آئندہ بھی کرتی رہوں گی۔ پاکستانی فنکاروں کو وہاں بہت عزت اور احترام سے دیکھا جاتا ہے۔
یہی وجہ ہے کہ اب ماورا حسین اور ماہرہ خان سمیت بہت سے فنکار بھارتی فلموں میں کام کر رہے ہیں ۔انھوں نے بتایا کہ بالی ووڈ اداکار سنجے دت کے ساتھ فلم ’’شیر‘‘ بہت جلد ریلیز ہونے والی ہے۔ جس کا سارا کام میں نے حال ہی میں مکمل کروایا ہے ۔ اس بات میں کوئی صداقت نہیں کہ پاکستانی لڑکیاں وہاں پیسے دے کر فلموں میں کام لیتی ہیں، بلکہ وہ ہمیں عزت واحترام سے بلاتے ہیں اور معاوضہ بھی بہت اچھا ادا کرتے ہیں۔
عمائمہ ملک نے بتایا کہ ان دنوں میں شان کی زیر ہدایت بننے والی فلم ’’ارتھ ٹو‘‘ کی شوٹنگ میں مصروف ہوں جس کا اسکرپٹ اور میوزک بہت ہی شاندار ہے۔ ایک سوال کے جواب میں انھوں نے بتایا کہ شیوشینا کی وجہ سے ہمارے فنکاروں کو کافی مشکلات کا سامنا کرنا پڑتا ہے مجھے بھی ان کی وجہ سے بھارت میں گھومنا پھرنا ذرا مشکل لگتا ہے۔
نیب : ڈی ایچ اے سٹی لاہور کے سابق پراجیکٹ ڈائریکٹر گرفتار
پاکستان آنے کا بہانہ ڈھونڈتا رہتا ہوں، مہیش بھٹ