ماسکو (جیوڈیسک) فیفا ورلڈکپ میں میکسیکو ٹرافی کی دوڑ سے باہر ہوگیا، ناک آؤٹ راؤنڈ میں برازیل نے دو صفر سے فتح سمیٹ کر کوارٹر فائنل کا ٹکٹ کٹوا لیا۔ برازیل کی جانب سے سپر سٹار نیمار اور فرمینو نے ایک ایک گول کیا۔
فٹبال کی عالمی جنگ، سنسنی خیز ناک آؤٹ راؤنڈ میں ایک اور کانٹے کا مقابلہ ہوا۔ برازیل اور میکسیکو نے کھیل کے آغاز سے ہی گول پوسٹ پر حملوں کا آغاز کر دیا۔ بھرپور کوشش کے باوجود میچ پہلے ہاف تک برابر رہا۔
کھیل کے 51ویں منٹ میں برازیلین سپر سٹار نیمار کا جادو چل گیا، انہوں نے شاندار گول کر کے ٹیم کو ایک صفر کی برتری دلا دی۔ 88ویں منٹ میں برازیل کی جانب سے فرمینو نے دوسرا گول کر کے اپنی ٹیم کی کامیابی یقینی بنا دی۔ میکسیکن ٹیم دو صفر سے شکست کے بعد میگا ایونٹ سے آؤٹ ہو گئی ہے۔
روس نے سپین کو ہرا کر کوارٹر فائنل میں جگہ بنا لی
شعیب ملک 100 ٹی ٹونٹی انٹرنیشنل میچز کھیلنے والے دنیا کے پہلے کھلاڑی