بیجنگ (جیوڈیسک) چین اورتائیوان میں بارش ، لینڈ سلائیڈنگ اور سمندی طوفان نے تباہی مچادی ۔ مختلف حادثات میں چھتیس افراد ہلاک اور درجنوں زخمی ہوگئے۔
چین کے شمال مغربی علاقے میں بارش اور لینڈ سلائیڈنگ سے 35 افراد ہلاک ہوگئے ۔ طوفانی بارش ، ہوا اور سیلاب سے سڑکیں ٹوٹ پھوٹ کا شکار جبکہ مواصلاتی نظام بھی درہم برہم ہوگیا ۔ پہاڑی سلسلے Kunlun کے گاؤں کا باہر کی دنیا سے رابطہ کٹ گیا۔
لینڈ سلائیڈنگ سے درجنوں گھر دب گئے ۔ متاثرہ علاقوں میں ریسکیو آپریشن جاری ہے ۔ ادھر سمندری طوفان نیپارتک نے مشرقی تائیوان نے تباہی مچا دی ۔ ہزاروں افراد کو نقل مکانی کرنا پڑی ، بجلی کی سپلائی منقطع ہوگئی ، پانچ سو پروازیں منسوخ کرنا پڑیں۔
مختلف حادثات میں ایک شخص ہلاک اور چھیاسٹھ زخمی ہوئے ہیں ۔ دو ہزار نو میں بھی جنوبی تائیوان میں سمندری طوفان سے سات سو افراد ہلاک ہوئے تھے۔
جرمنی میں ایران کا “پاکستانی جاسوس” گرفتار
انڈونیشیا میں بدترین ٹریفک جام، بارہ افراد ہلاک