چترال (جیوڈیسک) چترال میں برفانی تودے میں پھنسے مزید 2 طلباء کی لاشیں نکال لی گئیں۔ 19 مارچ کو سوسوم کے مقام پر سکول سے گھر آتے ہوئے 9 طلباء برفانی تودہ گرنے سے ملبے تلے دب گئے تھے جن میں سے 2 طلباء کی لاشیں اسی روز ہی نکال لی گئیں تھیں جبکہ 2 طلباء کی لاشیں آج نکالی گئی ہیں۔
اس طرح ملبے تلے دبے 4 طلباء کی لاشیں نکالی جا چکی ہیں جبکہ 5 طلباء تاحال دبے ہوئے ہیں جن کی تلاش کے لیے امدادی کارروائیاں جاری ہیں۔
500 سے زائد افراد امدادی کارروائیوں میں مصروف ہیں جن میں چترال سکاؤٹس ، پولیس اور مقامی رضاکار شامل ہیں ۔ پاک فوج اور ضلعی انتظامیہ کے اعلیٰ حکام امدادی کارروائیوں کی نگرانی کر رہے ہیں۔
شراب پی کر ہلاک ہونے والے افراد کے ورثا کے لیے معاوضے کا اعلان
جنوبی پنجاب کی محرومیوں کا ذمہ دار تخت لاہور ہے: بلاول بھٹو