کامن ویلتھ گیمز: ویٹ لفٹنگ میں محمد نوح بٹ کانسی کا تمغہ جیت گئے

Commonwealth Games

Commonwealth Games

بریسبین (جیوڈیسک) کامن ویلتھ گیمز میں پاکستان کو ایک اور کانسی کا تمغہ مل گیا، ویٹ لفٹنگ میں ہی محمد نوح بٹ نے ایک سو پانچ کلو کیٹگری میں میدان مار لیا۔

بریسبین میں جاری اکیسویں کامن ویلتھ گیمز کے میگا ایونٹ میں ویٹ لفٹنگ کے مقابلوں میں پاکستانی ایتھلیٹس کی تسلی بخش کارکردگی جاری ہے۔ ویٹ لفٹنگ میں ایک سو پانچ کلو گرام ویٹ کیٹگری میں محمد نوح بٹ نے کانسی کا تمغہ جیت لیا۔

گیمز میں پاکستان کا یہ مجموعی طور پر دوسرا میڈل ہے جو اتفاق سے ویٹ لفٹنگ میں ہی ملا۔ اس کیٹگری میں نیوزی لینڈ کے ڈیوڈ لیٹی نے سونے کا تمغہ اپنے سینے پہ سجایا جبکہ بھارتی ویٹ لفٹر گردیپ سنگھ کو چوتھی پوزیشن ملی۔ پوائنٹ ٹیبل پر اب پاکستان کا چھبیسواں نمبر ہے۔