کونگو: جیل پر مسلح حملہ، 9 افراد ہلاک سینکڑوں قیدی فرار

Posted on June 13, 2017 By Majid Khan اہم ترین, بین الاقوامی خبریں

کونگو (جیوڈیسک) مشرقی جمہوریہ کونگو میں واقع ایک جیل پر حملہ ہوا جس میں 9 افراد ہلاک اور 930 قیدی فرار ہو گئے۔

بتایا گیا ہے کہ اس جیل پر ایک منصوبےکے تحت حملہ کیا گیا جس میں جیل کے 8 اہلکار اور ایک قیدی ہلاک ہو گئے جبکہ دو حملہ آور بھی مارے گئے۔

اس واقعے میں جیل میں صرف 36 موجود رہے جبکہ دیگر 930قیدی فرار ہو گئے۔

مقامی انتظامیہ نے قیدیوں کی بازیابی کےلیے علاقے میں کرفیو نافذ کر دیا ہے۔

واضح رہے کہ کونگو کے مشرقی علاقوں میں مسلح گروہوں کی بہتات ہے جو کہ اکثر حملے کرتے رہتے ہیں۔