ڈیرہ اسماعیل خان کی خبریں 20/3/2016

Allama Mohammad Ramazan Tauqeer

Allama Mohammad Ramazan Tauqeer

ڈیرہ اسماعیل خان (سیدتوقیرزیدی) تحریک اسلامی کے صوبائی صدر علامہ رمضان توقیر نے کہا ہے کہ پنجاب اسمبلی سے منظور ہونیوالے حقوق نسواں بل مغرب کاایجنڈا ہے۔ یہانتشار پھیلانے کی سازش ہے۔پی ٹی آئی کی خیبر پختونخواہ حکومت تبدیلی کے دعوئوں کے برعکس ناکام نظر آرہی ہے۔ ان خیالات کا اظہارانہوں نے ڈیرہ اسماعیل خان شہرمیں گومل یونیورسٹی کے پی آراو محمد فضل الرحمن کے والد کی تعزیت کے موقع پر میڈیاکے نمائندوںسے گفتگو کے دوران کیا۔علامہ رمضان توقیرنے کہاکہ اسلام میں خواتین کوآزادی دی گئی ہے ۔عورت کی بڑی حیثیت ہے۔ گھرانے کاسربراہ شوہر ہے۔ مذہبی جماعتیں حقوق نسواں بل کو مسترد کرچکی ہیں۔ اسلامی نظریاتی کونسل ایک غیرمتنازعہ ادارہ ہے۔اس بل کواسلامی نظریاتی کونسل کو بھیجاجائے تاکہ وہ اس میںترامیم لاسکے۔حقوق نسواںبل مسائل سے توجہ ہٹانے کی ایک کوشش لگتی ہے۔انہوںنے کہاکہ ملک میںپاک فوج کے اہم کرداراورجاری آپریشنزکی وجہ سے ملک میں امن وامان کی صورتحال میںبہتری نظرآرہی ہے۔فورسزاورپولیس کی قربانیوںکی بدولت دہشتگردوںکے گرد گھیرا تنگ کیاجارہاہے۔ انہوں نے کہاکہ پرویزمشرف کوملک سے باہر بھجوانے کی سازشیں آہستہ آہستہ بے نقاب ہو رہی ہیں۔ پرویزمشرف باہر جاکرصحت یاب نظرآرہے ہیں اور اپنی سیاسی سرگرمیاں جاری رکھے ہوئے ہیں جو حیران کن بات ہے۔انہوں نے کہاکہ خیبرپختونخواہ میںپٹواری اورپولیس سمیت دیگرشعبوں کاحال عوام کے سامنے ہے۔ کرپشن بڑھ رہی ہے۔بلدیاتی نمائندوںکاآج تک اختیارات نہیں دیئے گئے۔ بلدیاتی نمائندوںکومذاق بناکررکھ دیاگیاہے۔عمران خان کوچاہئے کہ وہ بلدیاتی نمائندوں کو فوری طورپراختیارات دیںتاکہ عوام کے مسائل نچلی سطح تک حل ہو سکیں۔ انہوں نے کہاکہ پانی ہماری ضرورت ہے۔ چشمہ لفٹ کینال پراجیکٹ سے نہ صرف ڈیرہ اسماعیل خان بلکہ خیبرپختونخواہ اور پاکستان بھرمیں خوشحالی کانیادورشروع ہوگا۔ماضی میںاس اہم منصوبے پرسیاست چمکائی گئی۔اب ہم امیدرکھتے ہیں کہ اس اہم منصوبے کوسیاسی بھینٹ نہیںچڑھایاجائیگابلکہ اس اہم منصوبے پرمرکزاورصوبہ ملکر فوری طور پر کام کاآغاز کر ینگے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) پولیس کاانڈس کالونی میںسرچ آپریشن کے دوران کھیتوں سے دوکلوبارودی مواد’سات دستی بم اور دیگرخطرناک اسلحہ برآمد۔تفصیلات کے مطابق پولیس نے انڈس کالونی میں سرچ آپریشن کے دوران کھیتوں میں چھپایا گیا خطرناک اسلحہ برآمد کر لیا۔برآمد ہونیوالے اسلحے میں دو کلاشنکوفیں’ سات دستی بم’دوسوکارتوس اوردوکلوبارودی مواد جو پریشر ککر میں چھپایا گیا تھا شامل ہیں۔ پولیس نے اسلحے اور بارودی موادکوقبضے میں لیکراسکی تفتیش شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) دریائے سندھ کے بنددھپانوالہ پرموٹرسائیکل اورچنگ چی کے تصادم میںایک بچی اورایک عورت جاںبحق ہوگئی۔ تفصیلات کے مطابق تھانہ گومل یونیورسٹی کی حدود میں دریائے سندھ کے بنددھپانوالہ پرموٹرسائیکل اورچنگ چی کے درمیان تصادم ہوگیا۔تصادم میںایک بچی اورایک عورت جاںبحق ہوگئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) درابن روڈپرنامعلوم افرادکی فائرنگ سے جاںبحق ہونیوالے پولیس اہلکاراظہرحسین کی نمازجنازہ اداکردی گئی۔نمازجنازہ میںایس پی لیفٹیننٹ کمانڈر (ر) یاسر آفریدی’ایڈیشنل ایس پی رحیم شاہ اورڈی ایس پی سٹی ارباب خان سمیت پولیس افسران اورانکے رشتہ داروں نے بڑی تعدادمیں شرکت کی ۔بعد میں مرحوم کوانکے آبائی قبرستان میں سپردخاک کر دیا گیا۔اظہر حسین مفتی محمود ہسپتال میں انچارج رپورٹنگ سنٹرکے فرائض سرانجام دے رہاتھا۔ موٹر سائیکل پرآتے ہوئے درابن روڈ پر لچھراکے قریب نامعلوم ملزمان نے اس کوفائرنگ کرکے قتل کر دیااور موقع سے فرار ہو گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان(سیدتوقیرزیدی) وزیراعلیٰ خیبرپختونخواہ پرویزخٹک کی طرف سے کیچ کے میلہ اسپاں میںنہ آنے کی اطلاع کے بعدضلعی انتظامیہ کی طرف سے ٹوٹ پھوٹ کاشکاربنوںروڈکی مرمت کیلئے ایمرجنسی بنیادوںپربچھائی جانیوالی پہاڑی مٹی کے کام کوروک دیاگیا’پہاڑی مٹی کے ادھورے کام کی وجہ سے کوٹلی امام حسین’نیوبنوںچونگی اوربنوںروڈپرگردکے بادل ہی بادل’تاجران نے کاروبار مجبوراً بند کردیئے’تفصیلات کے مطابق وزیراعلیٰ خیبرپختونخواہ پرویزخٹک کی طرف سے کیچ کے میلہ اسپاں میں نہ آنے کی اطلاعات کے بعدضلعی انتطامیہ نے بنوںروڈکی ٹوٹ پھوٹ کیلئے پہاڑی مٹی کے بچھانے کاکام ادھوراچھوڑدیا۔پہاڑی مٹی کوسڑکوںپرپھیلاکرکام کرنیوالے اہلکارغائب ہوگئے۔جسکی وجہ سے کوٹلی امام حسین’نیوبنوںچونگی اوربنوںاڈہ پرگردکے ہرطرف بادل ہی بادل چھاگئے۔حالانکہ اس پہاڑی مٹی کوگڑھوںمیں پرکرکے اس پرپانی کے چھڑکائوکے بعداس پررورل چلایاجاتالیکن کام چورعملہ اور مسائل سے غافل انتطامیہ نے اپناکام دکھادیا۔اس موقع پرموجودتاجران نے اپنا کاروبار بند کردیا ہے کیونکہ اس علاقے میںکاروبارکیلئے دکانیںکھولنامحال ہوچکاہے اورگزرنے والے شہریوںکوبھی انتہائی اذیت کاسامناکرناپڑرہاہے۔تاجران اورشہریوںنے وزیرمال خیبرپختونخواہ سردارعلی امین خان گنڈہ پورسے اس بارے فوری اصلاح احوال کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان(سیدتوقیرزیدی) دشمنوںکیساتھ لین دین کرنے کے تنازعے پر بھائی کی فائرنگ سے بھائی زخمی ہوگیا’مقدمہ درج۔تفصیلات کے مطابق تھانہ کینٹ کی حدودمیںدشمنوںکیساتھ لین دین کرنے پر جلیل مروت ولداکبرعلی سکنہ زکوڑی ٹائون نے اپنے بھائی جمیل مروت پرفائرنگ کردی جس سے وہ زخمی ہوگیا۔جمیل مروت کی جوابی فائرنگ سے اسکابھائی جلیل موقع سے فرارہوگیا۔کینٹ پولیس نے زخمی جمیل مروت کی رپورٹ پر اسکے بھائی کیخلاف اقدام قتل کامقدمہ درج کرلیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان(سیدتوقیرزیدی) نظریہ پاکستان کلمہ کی بنیادپرپاکستان میںکتاب وسنت کانفاذکیاجائے’حکومت پاکستان نظریہ پاکستان کے شعورکواجاگرکرنے کیلئے تعلیمی اداروںاورعوامی مقامات پر ورکشاپس کاانعقادکرے اور23مارچ کے دن کوجوش وخروش سے منایاجائے۔ ملک میںفرقہ وارانہ بنیادوں پر دین کی اشاعت کی بجائے قرآن وسنت کانفاذ کیاجائے۔ان خیالات کااظہارنظریہ پاکستان رابطہ کونسل کے زیراہتمام مرکزعبداللہ بن مسعودمیںمنعقدہ آل پارٹیزکانفرنس بسلسلہ احیائے نظریہ پاکستان کے موقع پر مسلم لیگ(ن)کے ڈاکٹرعبداللہ ظفری’ ڈاکٹرمحمداقبال’سابق تحصیل ناظم درابن سردارقیضارخان میانخیل’ضلعی امیرجماعت اسلامی زاہدمحب اللہ ایڈووکیٹ’روشن ضمیرلغاری’سینئرکالم نگارابوالمعظم ترابی’ممبرضلع کونسل محمدحنیف پیپا ایڈووکیٹ ‘مولاناخالدگنگوہی’ساجدخان بھانڑی ایڈووکیٹ’صدرڈسٹرکٹ باراخترحسین قریشی ایڈووکیٹ اور امیرمرکزی جمعیت اہلحدیث مولانامحمدحسین مدنی نے کیا۔انہوںنے کہاکہ نظریہ پاکستان کی بنیاد پر برصغیر کے مسلمان اپنے تمام اختلافات بھلاکرمتحدہوئے تھے آج عالم کفرہماری نسلوںکومادہ پرستی’فحاشی اوربے راہ روی میںبہاکرانکے دل ودماغ سے نظریہ پاکستان کونکال رہاہے۔نظریہ پاکستان کے احیاء کیلئے ہم سب کوملکراپناکرداراداکرناچاہئے۔ہندوستان اورکشمیرکے مسلمانوں پر ہندو مظالم ڈھارہے ہیں۔ مسلمانوںکی اخلاقی مددکیلئے حکمرانوںکوکوئی واضح لائحہ عمل تیار کرناچاہئے ۔ملک سے سودی نظام’تجارت اورغیرشرعی قوانین کاخاتمہ کرکے اسلامی نظام تجارت کوفروغ دیاجائے اورشرعی قوانین کو نافذکیاجائے۔ملک میں یکساںنظام تعلیم رائج کیاجائے۔نصاب تعلیم اردومیں ہواوراس نصاب تعلیم میںنظریہ پاکستان بھرپوراندازمیںپیش کیاجائے۔کانفرنس میںنظریہ پاکستان کے حوالے سے پراجیکٹرکے ذریعے حافظ محمدسعیدامیرجماعتہ الدعوة پاکستان کی آوازمیں معلوماتی ڈاکومینٹری بھی دکھائی گئی جس کوشرکاء نے بہت سراہا۔شرکاء کے جذبات اس موقع پردیدنی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان(سیدتوقیرزیدی) ٹانک کی ضلعی انتظامیہ این جی اوزکے نمائندوںکویونین کونسل ملازئی ویلج کونسل عمرخیل میںآنے کی اجازت دے کیونکہ ہماری یونین کونسل میںتعلیم’روڈزاورپانی کے مسائل موجودہیںتاکہ یہ مسائل ان این جی اوزکے نمائندوںکے زریعے حل ہوسکیں۔ان خیالات کااظہارنائب ناظم ویلج کونسل عمرخیل محمداسلم خان’کونسلرنصیرخان’کسان کونسلرسردعلی خان’کونسلرفرمان اوریوتھ کونسلرصدام حسین نے اپنے مشترکہ بیان میںکیا۔انہوںنے کہاکہ این جی اوز کے نمائندوںپرویلج کونسل آمدپرپابندی ہے جوزیادتی ہے۔انہوںنے کہاکہ تعلیمی اداروں اور ذرائع آمدورفت کی سہولیات ہمارے علاقے میںناپیدہیں۔عوام پینے کے صاف پانی کوترس رہی ہے تواس صورتحال میںاین جی اوزکاکردارانتہائی اہم ہوجاتاہے۔ہم ضلعی انتظامیہ سے اپیل کرتے ہیںکہ ہمارے علاقے میںاین جی اوزکے نمائندوںکوآنے کی اجازت دی جائے بصورت دیگرہم احتجاج کاراستہ اختیارکرنے پرمجبورہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان(سیدتوقیرزیدی) محکمہ صحت میںمجھے ایمپلائزسن کوٹہ کے تحت بھرتی کیاجائے تاکہ مہنگائی کے اس دورمیںہمارے گھرکاگزربسرآسانی سے ہوسکے۔ان خیالات کااظہارمحکمہ صحت ڈی ایچ اوکے ملیریاآفس شیخ یوسف کے جاںبحق ہونیوالے ملازم عبدالرحمن مرحوم کے فرزند فضل الرحمن سکنہ بستی بگیڑاوالی نے اپنے اخباری بیان میںکیا۔انہوںنے کہاکہ میراوالدعبدالرحمن مرحوم 2012ء میںدوران سروس مئی کے ماہ میںسات مسلح ملزمان کی طرف سے دفترپرڈکیتی کی واردات کے دوران شدیدزخمی ہوگئے تھے اوربعدمیںدوران سروس وفات پاگئے تھے۔میںنے کئی مرتبہ محکمہ صحت کے اعلیٰ افسران کوایمپلائزسن کوٹہ کے تحت کلاس فوربھرتی کیلئے درخواستیںدیںلیکن ان درخواستوںکوردی کی ٹوکری میںپھینک دیاگیاجوزیادتی ہے۔یہ میرامعاشی قتل اوراستحصال ہے۔انہونے کہاکہ اگرمیری شنوائی نہ ہوئی تومیںاحتجاج کاراستہ اختیارکرونگااوراپنے حق کیلئے عدالت سے رجوع کرونگا۔انہوںنے کہاکہ اگرپھربھی محکمہ صحت نے مجھے انصاف نہ دیاتوخودکشی پرمجبورہونگا اوراسکی تمام ترذمہ داری ضلعی انتظامیہ اورای ڈی او’ڈی ایچ اوپرہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) نیوگرہ خان میںایس ایچ اودرابن نے کارروائی کرکے بھاری مقدارمیں ناجائزاسلحہ برآمدکرلیا’مقدمہ درج۔تفصیلات کے مطابق ایس ایچ اودرابن سیدمرجان مروت نے نیوگرہ خان میںخیمہ زن سیف الرحمن ولدنظام کے خیمے پرچھاپہ مارا۔چھاپے کے دوران پولیس نے ایک کلاشنکوف’ایک بندوق اور37کارتوس برآمدکرلئے۔پولیس نے سیف الرحمن کو گرفتارکرکے تھانہ کینٹ میںاسکے خلاف 15 AAکے تحت مقدمہ درج کرلیا ہے۔