کورکمانڈر کراچی کا الاظہر گارڈن کا دورہ، سانحہ صفورہ کے متاثرین سے اظہار یکجہتی

Naveed Mukhtar

Naveed Mukhtar

کراچی (جیوڈیسک) کورکمانڈر کراچی لیفٹیننٹ جنرل نوید مختار نے الاظہر گارڈن کا دورہ کیا اور سانحہ صفورہ میں جاں بحق افراد سے اظہار یکجہتی کرتے ہوئے کہا کہ واقعے کو بھلایا نہیں جاسکتا۔

کور کمانڈر کراچی لیفٹنیننٹ جنرل نوید مختار نے الاظہر گارڈن کا دورہ کیا اور وہاں سانحہ صفورہ میں جاں بحق ہونے افراد کے اہلخانہ سے ملاقات کی اس موقع پر سیکیورٹی کے سخت انتظامات کیے گئے جب کہ رینجرز اہلکار بھی کور کمانڈر کے ہمراہ ہیں۔

اس موقع پرجنرل نوید مختار نے کہا کہ سانحہ صفورہ گوٹھ کے متاثرین کے غم میں برابر کے شریک ہیں اور واقعے کو بھلایا نہیں جاسکتا جب کہ سانحہ صفورہ کی تفتیش میں پیش رفت ہوئی ہے۔ انہوں نے مزید کہا کہ دہشت گردی کے ذرائع اور سہولت کاروں کو بھی کیفرکردار تک پہنچایا جائے گا۔

اس سے قبل کور کمانڈر کراچی نے سنٹرل جیل کا دورہ کیا اور جیل سیکیورٹی کا جائزہ بھی لیا اس موقع پر جنرل نوید مختار نے جیل میں تعینات فوجی ورینجرز اہلکاروں سے ملاقات کی اور انہیں عید کی مبارک باد دی جب کہ بہتر سیکیورٹی انتظامات پر اہلکاروں کو خراج بھی تحسین پیش کیا۔