لاہور (جیوڈیسک) ملک کے مختلف علاقوں میں بجلی کا بڑا بریک ڈائون ہونے سے متعدد شہروں کو بجلی کی فراہمی معطل ہو گئی ہے، شیخوپورہ کی مین لائن ٹرپ ہونے سے لاہور، اسلام آباد اور شیخوپورہ میں بجلی کی فراہمی معطل ہوگئی ہے۔
ذرائع کا کہنا ہے کہ تھرمل گدو پاور میں فالٹ آنے سے فراہمی معطل ہوئی، گدو تھرمل پاور پلانٹ کے مین ٹرانسفارمر ٹی تھری میں آگ لگنے سے بجلی کی فراہمی معطل ہوئی۔
راولپنڈی، اسلام آباد، کشمیر، ملتان، لاہور، اٹک، جہلم اور فیصل آباد میں بجلی کی فراہمی معطل ہوچکی ہے۔
تمام شہر اندھیرے میں ڈوب چکے ہیں اور لیسکو حکام کے پاس اس صورتحال کے حوالے سے کوئی واضح جواب نہیں کہ بجلی کی فراہمی کب بحال ہو گی۔
پاک بھارت سیکرٹری خارجہ ملاقات جلد طے ہو گی، دفتر خارجہ
تھرپارکر: غذائی قلت سے اموات میں اضافہ جاری ،تعداد 84 ہوگئی