مصطفی آباد/للیانی کی خبریں 7/5/2016

Lalyani News

Lalyani News

مصطفی آباد/للیانی (نامہ نگار) امام مسجد کی زمین ہتھیانے کی کوشش کرنے والے سات افراد کے خلاف مقدمہ درج، امام مسجد کی طرف سے 16 لاکھ میں حاصل کی گئی زمین کو اسلحہ کے زور پر چار لاکھ میں اپنے نام کروا لی، مقدمہ درج، تفصیلات کے مطابق نواحی گائوں بیدیاں میں امام مسجد لیاقت علی نے روز دار خان سے 16 لاکھ روپے میں 12مرلے زمین خریدی تھی، جسے 19 فروری کو محمد اسلم، وسیم احمد گل، احمد دین، محمد یعقوب ودیگر تین نا معلوم افراد نے اسلحہ کے زور پر گھر میں داخل ہو کرسارے خاندان کو جان سے مارنے کی دھمکیاں دے کر امام مسجد اور اس کے بیٹے کو اپنی گاڑی میں بٹھا کر کچہری لے گئے اور مختلف مقامات پر لیجاکر 16 لاکھ روپے میں خریدی گئی زمین 12مرلے کو چار لاکھ میں خریدینے کے کاغذات تیار کرکے ان پر دستخط و انگھوٹھے لگوا لئے، پولیس تھانہ مصطفی آباد نے امام مسجد لیاقت علی کی درخواست پر زیر دفعہ 420.452.149.148.506.447.511کی دفعات کے تحت مقدمہ درج کرکے ملزمان کی تلاش شروع کر دی ہے، امام مسجد لیاقت علی نے ڈی پی او قصور سے مطالبہ کیا ہے کہ ملزمان نے بغیر کوئی رقم دئیے جعل سازی، دھوکہ دہی، فراڈسے ڈرا دھمکا کرمیری زمین پر قبضہ کرنے کی کوشش کی ہے ان کے خلاف درج مقدمہ میں 468/471کی دفعات کا اضافہ کرکے سخت کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مصطفی آباد/للیانی (نامہ نگار) مصطفی آباد اور اس کے نواحی دیہات میں کسانوں کوباردانہ کے حصول کیلئے شدید مشکلات کا سامنا، انتظامیہ کا چکر پے چکر لگوانا معمول بن گیا،لاکھوں روپے مالیت کی گندم خراب ہونے کا اندیشہ، وزیر اعلی پنجاب سے فوری نوٹس لینے کا مطالبہ،تفصیلات کے مطابق مصطفی آباد للیانی اور اس کے نواحی دیہات سے تعلق رکھنے والے کسانوں کوباردانہ کے حصول کیلئے شدید مشکلات کا سامنا کرنا پڑ رہا ہے، باردانہ کے حصول کیلئے بار بار چکر لگوانا انتظامیہ کا معمول بن چکا ہے، کسانوں کا کہنا ہے کہ اگر ہمیں فوری طور پر باردانہ نہ دیا گیا تو بارش کی وجہ سے ہمارے سال بھر کی محنت ضائع ہو جائے گی جس کی تمام ترذمہ دار ضلعی انتظامیہ ہو گی، کسانوں کی بڑی تعداد نے وزیر اعلی پنجاب، سیکرٹری زراعت ودیگر اعلی حکام سے فوری نوٹس لیتے ہوئے فوری طور پر باردانہ مہیا کرنے کا مطالبہ کیا ہے۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) 75سالہ محمد یونس کے ہاں 50سال بعد اولادکی نعمت ملنے پر اہل علاقہ کی مبارکباد، تفصیلات کے مطابق اخبار فروش یونین مصطفی آباد کے نائب صدر محمد شہزاد کے خالو 75سالہ محمد یونس کے ہاں اللہ تعالی نے 50سال بعداولاد جیسی نعمت ملنے پر سیاسی و سماجی جماعتوں کے نمائندوں اور صحافیوں نے مبارکباد دی، محمد یونس نے کہا کہ میں اللہ کا جس قدر شکر ادا کروں کم ہے، اس عمر میں اللہ نے مجھے بیٹا دے کر پھر سے جوان کر دیا ہے۔۔