کروڑ لعل عیسن کی خبریں 14/05/2015

Crore Lal Esain

Crore Lal Esain

کروڑ لعل عیسن ( خبر نگار) مرکزی انجمن تاجران کا الیکشن پوری آب و تاب کے ساتھ لڑیں گے۔ سینکڑوں ساتھیوں کے ساتھ طارق محمود پہاڑ کی مکمل حمایت کرتے ہیں۔

یہ بات سابق جوائنٹ سیکریٹری ، سابق سیکریٹری اطلاعات شاہد خان درانی مرکزی انجمن تاجران نے اپنے ایک بیان میں کہی۔ انہوں نے کہاکہ طارق پہاڑ محنتی ایماندار اور تاجروں کا ہمدرد ہے۔ جس نے اپنی پوری زندگی تاجر برادری کی خدمت کیلئے گزار دی اور ہمیشہ اپنے گرہ سے خرچ کر کے لوگوں کے کام کیئے۔

کسی کے آگے ہاتھ نیں پھیلایا اور نہ ہی کسی ادارے یا سیاستدان کی دلالی کی۔ انہوں نے کہا کہ کروڑ کے غیور تاجر اس مرتبہ طارق پہاڑ کو بھاری اکثریت سے کامیاب کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( خبر نگار) سانحہ کراچی نے پوری قوم کو ہلا کر رکھ دیا ہے۔ تخریب کار اور دہشتگرد کسی صورت بھی انسان کہلانے کے حقدار نہیں۔ ایسے لوگوں کے خلاف پوری قوم کو متحد ہو کر مقابلہ کرنا چاہیے۔ ان خیالات کا اظہار امیدوار برائے صدارت مرکزی انجمن تاجران طارق پہاڑ ، کریسنٹ ہیومن رائٹس آرگنائزیشن کے ضلعی صدر ملک روشن ضمیر اتلیرا ، نائب صدر حاجی فاروق زرگر ، ڈاکٹ یٰسین اسراء ، ضیاء الحق سیہڑ نے گزشتہ روز ایک تعزیتی اجلاس میں کیا۔ انہوں نے کہا کہ سانحہ کراچی میں خواتین اور حضرات کو جس بربریت سے شہید کیا گیا اس کی مثال نہیں ملتی۔ انہوں نے واقعے کی پر زور مذمت کرتے ہوئے حکومت سے مطالبہ کیا کہ دہشتگردوں کے خلاف سخت سے سخت کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( خبر نگار) سانحہ کراچی بربریت کی انتہا ہے جس کی جتنی مذمت کی جائے کم ہے۔ ہم حکومت سندھ سے مطالبہ کرتے ہیں کہ دہشتگردوں کو فی الفور تلاش کر کے کیفر کردار تک پہنچایا جائے۔ ان خیالات کا اظہار شیعہ علماء کونسل کے ضلعی صدر سید نیر عباس شاہ کاظمی ایڈووکیٹ نے اپنے ایک بیان میں کیا۔ انہوں نے کہا کہ سانحہ کراچی میں معصوم لوگوں کا خون بہا کر دہشتگردوں نے بربریت کی انتہا کر دی دی ہے۔ پاکستان کے عوام ملک دشمن عناصر کے خلاف اکھٹے ہو کر ان کے عظائم خاک میں ملا دیں۔ ہم چاہتے ہیں کہ پاکستان میں امن و استحکام رہے۔ حکومت پاکستان اس سلسلہ میں مختلف جماعتوں کی APC بلا کر اعتماد میں لے اور دہشتگردوں کے نیٹ ورک کو عوام کے تعاون سے ختم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( خبر نگار) ایکسائز اینڈ ٹیکنیشن DG خان نے ڈائریکٹر جنرل ایکسائز پنجاب کے حکم پر ڈویژن بھر میں جنرل ہولڈ اپ کر کے سینکڑوں بلا نمبری موٹر سائیکلیں پکڑ لیں۔ ضلع لیہ میں افتخار احمد بھلی پر مشتمل ٹیمیں تشکیل دی گئیں جنہوں نے لیہ ، چوک اعظم ، فتح پور اور کروڑ میں جنرل ہولڈ اپ میں 300 بلا نمبر موٹرسائیکلوں کو بند کیا۔ دوسری جانب جو لوگ اپنے کاغذات کے کر موٹر سائیکل چھڑانے کیلئے ایکسائز آفس لیہ پہنچے تو وہاں پر لوٹ کھسوٹ کا بازار گرم تھا اور فائل کے نام پر 200 سے 500 روپے اضافی لیئے جاتے رہے۔ ضلع لیہ کے عوامی سماجی اور شہری حلقوں نے محکمہ ایکسائز کی لوٹ کھسوٹ کے خلاف سخت احتجاج کرتے ہوئے وزیر اعلیٰ پنجاب اور ڈائریکٹر ایکسائز سے فی الفور نوٹس لینے کا مطالبہ کیا ہے۔