کھلی جنگ ہے اپنی

Posted on June 21, 2016 By Mohammad Waseem آپکی شاعری, شاعری

ظلمت کے نصابوں سے کھلی جنگ ہے اپنی
اِس شہر کی رسموں سے کھلی جنگ ہے اپنی

قبروں پہ غریبوں کی جو تعمیر ہوئے ہیں
ان اونچے مکانوں سے کھلی جنگ ہے اپنی

رکھتے ہیں جو تقدیر کے بہلاوے میں ہم کو
ان فلسفہ دانوں سے کھلی جنگ ہے اپنی

ہم لوگ ہیں طوفانِ بلا خیز کی مانند
دریا سے کناروں سے کھلی جنگ ہے اپنی

اِس عہدِ ملامت کے شب و روز کی سوگند
بے نور اجالوں سے کھلی جنگ ہے اپنی

تحریر: ساحل منیر