ڈیرہ اسماعیل خان (بیورورپورٹ) شدید گرمی اور حبس سے کاروبار زندگی معطل ہوکر رہ گیا ،بجلی کی ظالمانہ 14گھنٹے کی لوڈشیڈنگ اور ٹرپنگ سے رہی سہی کسر پوری ہوگئی ،عوام کی باران رحمت کیلئے دعائیں ۔تفصیلات کے مطابق ڈیرہ اسماعیل خان میں شدید گرمی اور حبس سے کاروبار زندگی مفلوج ہوکر رہے گئے ،سڑکیں اور بازار سنسان ہوگئے ۔ لوگوں نے گرمی سے بچنے کیلئے سوئمنگ پولوں اور نہروں کا رخ کرلیا ۔لوگوں نے زیادہ تر وقت انہی مقامات پر گزارا دوسری طرف شدید گرمی اورحبس کے باوجود پیسکو واپڈا نے ضلع بھر میں چودہ گھنٹے کی ظالمانہ لوڈشیڈنگ کا سلسلہ جاری رکھا جن اوقات میں بجلی آتی تھی انہی اوقات میں بجلی کی بار بار ٹرپنگ ہوتی رہی جس سے روزے داروں کو سخت تکلیف کا سامنا کرنا پڑا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) گنڈہ پور چوک کے قریب تیز رفتار موٹر کار کی ٹکر سے دو موٹرسائیکل سوار زخمی ہوگئے ۔ تفصیلات کے مطابق تھانہ ڈیرہ ٹائون کی حدود میں گنڈہ پور چوک کے قریب تیز رفتار موٹرکار سوار نے غفلت سے سامنے آنے والے موٹرسائیکل کو ٹکر مار دی ۔ جس سے موٹرسائیکل پر سوار یامین وزیر ولد عزیز اور حبیب اللہ ولد حمزہ خان سکنائے کوٹلہ سیداں زخمی ہوگئے ۔ جن کو سول ہسپتال داخل کرادیا گیا ہے ۔ٹائون پولیس نے نامعلوم موٹرکار ڈرائیور کے خلاف اس واقع کا مقدمہ درج کرلیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) شورکوٹ کے قریب صدر پولیس نیتین افراد سے تین پستول برآمد کرلئے ،لاتوں مکوں سے اوبلین میں ایک شخص زخمی ہوگیا، چودھوان پولیس نے منشیات کیس کے اشتہاری ملزم کو گرفتار کرلیا ۔تفصیلات کے مطابق صدر پولیس نے شورکوٹ میں شفیق، شاہد اور سعید احمد سے دوران تلاشی تین پستول تیس بور اور چودہ کارتوس برآمد کرلیے ، پنیالہ میں ریوڑھ کے تنازعے پر چار افراد نے لاتوں مکوں سے جہانزیب نامی شخص کو زخمی کردیا ۔ چودھوان پولیس نے منشیات کیس کے اشتہار ی ملز م سورت خان استرانہ سکنہ کھوئی بہارہ کو گرفتار کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) ڈیرہ اسماعیل خان کی عوام سے ٹریفک پشاور کے حکام کی زیادتیاں ،چھ ہزار سے زائد لوگ آٹھ ماہ سے ڈرائیونگ لائسینس کے حصول کیلئے ڈی پی او آفس کے چکر لگاکر تھک گئے ،ڈرائیونگ لائسینس کے متاثرین کا ایس ایس پی ٹریفک پشاور سے ڈرائیونگ کارڈ لیمینشن کی فوری فراہمی کا مطالبہ ۔تفصیلات کے مطابق ڈیرہ اسماعیل خان کے چھ ہزار سے زائد افراد کے ڈرائیونگ لائسینس پشاور ٹریفک برانچ کی طرف سے ڈرائیونگ لائسینس لیمینشن نہ دینے کی وجہ سے التواء کا شکار ہیں ۔لوگ ڈرائیونگ لائسینس کے حصول کیلئے ڈی پی اوآفس کے چکر لگا لگا کر تھک چکے ہیں ۔ لیکن ان کا آٹھ ماہ گزرنے کے باوجود کام نہیں ہوا ۔متاثرہ افراد نے ایس ایس پی ٹریفک صاد ق بلوچ سے مطالبہ کیا ہے کہ ڈیرہ اسماعیل خان کی سرائیکی عوام سے اپنی والہانہ محبت کا ثبوت دیتے ہوئے لیمینشن کا مسئلہ فلفور حل کیا جائے تاکہ عوام کے ڈرائیونگ لائسینس کا مسئلہ فلفور حل ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) محکمہ فوڈ کے بازار توپانوالہ ،کمشنری بازار ، مسلم بازار اور گلی ڈبہ تباخی سمیت دیگر علاقوں میں زائد منافع خوری پر 25دکانداروں کو 60ہزارروپے کے جرمانے اور آٹھ دکانداروں کے سیمپل پشاور لیبارٹری بجھوادیئے ، عوامی حلقوں کا اے ڈی فوڈ اور ڈی ایف سی فوڈ کو خراج تحسین۔ تفصیلات کے مطابق اسسٹنٹ ڈاریکٹرمحکمہ فوڈ محبوب عالم بلوچ اور ڈسٹرکٹ فوڈ کنٹرولر نذیر الرحمن وزیر کی ہدایت پر محکمہ فوڈ کے انسپکٹر چوہدری خلیق نے فوڈ عملہ کے ہمراہ بازار توپانوالہ،کمشنری بازار ،صدر بازار ، امامیہ گیٹ،مسلم بازار اور گلی ڈبہ تباخی میں زائد منافع خوری پر 25دکانداروں کو 60ہزار روپے کے جرمانے عائد کئے 8اشیاء کے سیمپل ٹیسٹنگ لیبارٹری پشاوربجھوائے اسطرح 13دکاندارو ں کے خلاف متعلقہ تھانوں میں ایف آر کے لئے مراسلے بجھوائے گئے ۔عوامی حلقوں نے محکمہ فوڈ کی کاروائی کی تعریف کی ہے۔
لیاقت علی سیال اور چوہدری اعجاز احمد ہنجرا یونین کونسل ملکہ کہنہ مشق انسان ہیں۔ غضنفر جمشید
پوران کی خبریں 25/5/2016