ڈیرہ اسماعیل خان (بیورورپورٹ) انٹرنیشنل پیس کمیٹی برائے بین المذاہب ہم آہنگی کے چیئر مین علی اعجازچھجڑو نے کہاہے کہ مسئلہ کشمیر حل کئے بغیر جنوبی ایشیامیں امن قائم نہیں ہوسکتا۔بھارت دہشتگردی کوہوادے کر خطے میں عدم استحکام پیداکرنا چاہتاہے۔مسئلہ کشمیر کے بارے حکومتی سطح پربیانات سے بھارت کودوٹوک الفاظ میں پیغام گیا ہے۔حکومت پاکستان کی جانب سے مسئلہ کشمیر کو عالمی سطح پر اجاگر کرنے کے فیصلے سے کشمیریوں کے حوصلے بلندہوئے ہیں۔ ان خیالات کا اظہار انہوں نے میڈیا سے گفتگو کرتے ہوئے کیا۔انہوں نے کہاکہ پوری پاکستانی قوم کشمیر کے معاملے میں متحدومتفق ہے۔کسی کوبھی اس کی طرف میلی آنکھ سے دیکھنے نہیں دیں گے۔حکومت پاکستان کشمیر میں بھارتی افواج کے مظالم کودنیا کے سامنے لائے۔ہندوستان غاصبانہ قبضے کے ذریعے کشمیر کی متنازعہ حیثیت کو تبدیل نہیں کرسکتا۔بھارت طاقت کے بل بوتے پرکشمیریوں کودبانہیں سکتا۔آج بھی پوراکشمیر پاکستان سے الحاق چاہتاہے۔چیئرمین آئی پی سی آئی ایچ علی اعجازچھجڑو نے مزیدکہاکہ بھارت کشمیر میںایک لاکھ سے زائد بے گناہ کشمیریوں کاقتل عام،20ہزار سے زائد خواتین کی بے حرمتی،لاکھوں بچوں کوتعلیم اورہزاروں کشمیری نوجوانوں کواغواء کرچکاہے۔افسوسناک بات یہ ہے کہ بھارت کی کشمیر میں انسانی حقوق کی سنگین خلاف ورزیوں پر انسانیت کی علمبردار تنظیمیں اور ممالک خاموش تماشائی بنے بیٹھے ہیں۔ضرورت اس امر کی ہے کہ کشمیر میں بھارتی مظالم پرعالمی دنیا کی توجہ مبذول کرائی جائے اورمسئلہ کشمیر یو این او کی قراردادوں کے مطابق حل کرایاجائے۔انہوں نے کہاکہ جنوبی ایشیا میں اس وقت تک امن ایک خواب ہی رہے گاجب تک بھارت کشمیر سے اپنی مکمل فوجی انخلاء کو یقینی بنانے اور کشمیریوں کوان کاآئینی وقانونی حق دینے پر آمادہ نہیں ہوجاتا ۔بھارت کشمیر اوردیگر ایشوز سے توجہ ہٹانے کیلئے پاکستان میں ”را” کے ذریعے حالات خراب کرنے کی کوششیں کررہا ہے۔دینی،سیاسی وعسکری قیادت اینٹ کاجواب پتھر سے دے پوری قوم ان کے ساتھ کھڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) یارک کے علاقہ وانڈہ جمال سے دو افراد کی نعشیں برآمد ،ابتدائی تفتیش میں نعشوں کی شناخت نہ ہوسکی ۔تفصیلات کے مطابق یارک کے علاقہ وانڈہ جمال میں دو افراد کی پولیس کو نعشیں ملیں جن کی شناخت نہیں ہوسکی تھی ۔ذرائع کے مطابق یہ نعشیں چند روز پہلے سے اس جگہ پر موجود تھی جس کی وجہ سے ان کی شناخت میں مشکل پیش آرہی تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) کے پی کے چھ اضلاع کے ایف ای ایف کالجز کیلئے 350ملین کی گرانٹ اور ڈگری کالج کا درجہ جبکہ ڈیرہ کے عوامی نمائندوں اورضلع ناظم کی عدم دلچسپی کے باعث ڈیرہ ،پہاڑپور کے ایف ای ایف کے کالجز کو بند کرنے کا فیصلہ ۔ تفصیلات کے مطابق تاجر رہنما ، کالم نگار سہیل اعظمی نے ایک بیان میں افسوس کا اظہار کرتے ہوئے کہا ہے کہ ہمارے عوامی صوبائی اسمبلی کے نمائندوں اور ضلع ناظم کی ڈیرہ کے مسائل سے عدم دلچسپی کے باعث وزیر اعلی کے مشیر مشتاق غنی نے ضلع پشاور حیات آباد ایف ای ایف کالج اور ڈگری کالج کے علاوہ کوہاٹ ،چک درہ ، تنگی اور ٹوپی کے کالجوں کو 350ملین کی امداد کے علاوہ ڈگری کالجز کا درجہ دیدیا جبکہ دیگر 10ایف ای ایف کالجز جن میں ڈیرہ اور پہاڑپورکے کالجز کو بند کرنے کا فیصلہ کرلیا گیا ہے حالانکہ ڈیرہ کا کالج صوبہ بھر میں تیسرے نمبر پر تھا سہیل اعظمی نے افسوس کا اظہار کرتے ہوئے کہاہے کہ ایک طرف صوبائی حکومت تعلیم کے فروغ کا وادیلا کررہی ہے جبکہ دوسری جانب گذشتہ 15سالوں سے موجودکالجوں کو بند کیا جارہا ہے ۔ڈیرہ کالج کے اساتذہ اور طلباء کے والد ین نے پہلے سٹی ایم پی اے اور ضلعی ناظم کی توجہ اس مسئلے کی طرف مبذول کروائی تھی اب انہوں نے دوبارہ ان سے ملاقات کرنے اور اپنا احتجاج ریکارڈ کروانے کا فیصلہ کیا ڈیرہ کے تعلیمی ،سماجی ،فلاحی اور صحافتی حلقوں نے کالج کو بند کرنے کی مذمت کی ہے انہوں نے طلباء کے والدین کو احتجاج کیلئے ہر ممکن تعاون کی یقین دہانی کروائی جبکہ اس سلسلے میں مرکزی انجمن تاجران ڈیرہ ایف ای ایف کالج کے سٹاف اور طالبات کے والدین کے شانہ بشانہ ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) سال 2010اور سال 2013میں ضلعی نظام ختم ہونے کے باوجود بھی حکومتی سطح پر ملنے والے فنڈز میں چھ کروڑ روپے کے غبن کا ریکارڈ پیش نہ ہوسکا۔ صوبائی احتساب کمیشن خیبر پختونخواہ نے ڈپٹی کمشنر ڈیرہ کو 27جولائی کو مذکورہ ریکارڈ پیش کرنے کا حتمی نوٹس دیدیا ۔ تفصیلات کے مطابق ضلعی نظام 2010میں خیبر پختونخواہ میں ختم ہوگیا تھا مگر اس کے باوجود بھی صوبائی حکومت متواتر ضلعی حکومت ڈیرہ کو تمام یونین کونسلز کو جنوری 2013تک فنڈز فراہم کرتی رہی اس فنڈز کیلئے متعلقہ ڈی سی او اور فنانس آفیسر نے الفلاح بنک میں خلاف قانون اکائونٹ کھولا ۔ مذکورہ فنڈز میں چھ کروڑ روپے سے زائد کے غبن کی تحریری شکایت پر صوبائی احتساب کمیشن نے تحقیقات کا آغاز کردیا ہے ۔ صوبائی حکومت کی جانب سے ضلعی حکومت ڈیرہ کودئیے جانے والے فنڈز کا سرے سے ریکارڈ ہی نہیں ہے کہ ان فنڈز کو کس طرح استعمال کیا گیا ۔ صوبائی احتساب کمیشن پشاور میں 18جولائی کو بیان ریکارڈ کیلئے جانیو الے فنانس آفیسر نے ریکارڈ دینے سے معذرت کا اظہار کا ہے اور ریکارڈ کے پس وبیش ہونے کا کہا ۔صوبائی احتساب کمیشن خیبر پختونخواہ نے ڈی سی ڈیرہ کو مذکورہ فنڈز کے حوالے سے ریکارڈ کیلئے 27جولائی کا نوٹس جاری کیا ہے بصورت دیگر قانونی چارہ جوئی کا عندیہ دیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) انجمن تاجران شرقی سرکلر روڈ و کینٹ ایریا کے ذمہ داران نے کنٹونمنٹ بورڈ کے کنٹونمنٹ ایگزیکٹیو آفیسر محمد حیات بلوچ سے اپیل کی ہے کہ بازار ایریا میں واقع ورلڈ کمرشل پلازہ میں موجود تاجران کو بجلی کی سپلائی کیلئے ان کے بجلی کے پولوں پر نصب بجلی کے میٹرز کو فلفور ہٹا کر پلازے کی گلیوں میں ترتیب کے ساتھ نصب کروایا جائے کیونکہ بجلی کے پولوں پر نصب بجلی کے میٹرز کی وجہ سے کسی بھی وقت خدانخواستہ بڑا انسانی سانحہ پیش آسکتا ہے انہوں نے کہا کہ ہم امید رکھتے ہیں کہ عوام دوست سی او محمد حیات خان بلوچ تاجران کی اس اپیل پر فلفور عمل درآمد کروائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ) ایس ایچ او کینٹ محمد نواز نے آڑہ مائینر کے قریب گیلانی ٹائون کے رہائشی سے ایک کلو چرس برآمد کرلی ،مقدمہ درج ۔ تفصیلات کے مطابق ڈی پی او یاسر آفریدی کی ہدایت پر ایس ایچ اوکینٹ محمد نواز نے پولیس نفری کے ہمراہ آڑہ مائینر کی قریب ملزم محمد اشفاق ولد مشتاق احمد سکنہ گیلانی ٹائون سے ایک کلوگرام چرس برآمد کرکے گرفتارکرلیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان ( ) ڈیرہ پریس کلب (رجسٹرڈ)کا ماہانہ اجلاس زیرصدارت احمد خان کامرانی منعقد ہوا ۔اجلاس میں مقبوضہ کشمیر میں بھارتی مظالم کی شدید الفاظ میں مذمت کی گئی اور کہا گیا کہ پاکستانی قوم کشمیریوں کے ساتھ ہے بھارت طاقت کے زور پر کشمیریوں کی تحریک کو دبا نہیں سکتا ۔ وہ وقت دور نہیں جب کشمیریوں کو بھارت سے آزادی ملے گی اجلاس میں متفقہ طور پر قرارداد منظور کی گئی کہ ڈیرہ اسماعیل خان میں ٹارگٹ کلنگ کے واقعات کے بعد چیکنگ کے نام پر ڈیرہ کی عوام کے ساتھ غیر معذب رویہ اپنا یا ہوا ہے جس کی ہم مذمت کرتے ہیں ۔ڈبل سواری اور تلاشی کے نام پر عوام کی تذلیل کی جارہی ہے ۔ممبران ڈیرہ پریس کلب انتظامیہ سے مطالبہ کرتے ہیں کہ وہ عوام کے ساتھ اس نارو سلوک کا تدارک کرائیں ۔ اجلاس میں فیصلہ کیا گیا کہ پیپلزپارٹی کے مرکزی سیکرٹری اطلاعات فیصل کریم کنڈی نے چونکہ ڈیرہ پریس کلب کے ساتھ مختلف تعمیرارتی کاموں اور نقد رقم کے حوالے سے جو اعلانات کئے اور جن پر انہوں نے عمل نہیں کیا اس لئے فیصل کریم کنڈی کی ڈیرہ پریس کلب کی طرف سے کوریج پر مکمل پابندی عائد کر دی گئی ۔ اجلاس میں وزیر مال خیبر پختونخواہ سردار علی امین خان گنڈہ پور کی طرف سے ڈیرہ پریس کلب کے ممبران کیلئے لیپ ٹاپ ،پریس کلب کی گیلری کی تعمیر ، میڈیا کالونی اور سالانہ گرانٹ کے وعدے کے حوالے سے ہونیوالی پیش رفت سے بھی ممبران کو آگاہ کیا گیا اجلا س میں خیبر پختونخواہ میں اپوزیشن لیڈر مولانا لطف الرحمن کی طرف سے ڈیر ہ پریس کلب کے مین ہال اور چھوٹے ہال کی تذین و آرائش کے حوالے سے فراہم کردہ فنڈز پر مولانا لطف الرحمن کا شکریہ ادا کیا گیا اور کہا گیا کہ مولانا برادران نے پہلے بھی ڈیر ہ پریس کلب کے ساتھ جو وعدے کئے وہ پورے کئے اور آئندہ بھی توقع رکھتے ہیں کہ وہ ڈیرہ پریس کلب کے ساتھ اپنا خصوصی تعاون جاری رکھیں گے ۔ اجلاس میں ڈیرہ پریس کلب کے سینئر ممبر حاجی قیوم نواز بابڑ کے بھانجے عطاء اللہ بابڑ کی وفات اور مقبوضہ کشمیر کے شہداء کی مغفرت کیلئے خصوصی دعا کی گئی ۔ اجلا س میں سینئر مقامی صحافی چوہدری محمد اصغر کی صحت یابی کیلئے بھی خصوصی دعا کی گئی ۔
ڈیرہ اسماعیل خان ( بیورورپورٹ ) عوام سے کئے گئے وعدے پو رے کریں گے علا قہ کی تر قی ہما را مشن ہے عوام کی بے لو ث خد مت میرا نصب العین ہے ۔ان خیالات کا اظہار صو با ئی وزیر زراعت سردار اکرام اللہ خان گنڈہ پور نے گرہ مٹ کے مقام پر ترقیا تی کا موں کی افتتا ہی تقریب سے خطاب کر تے ہو ئے کیا اس مو قع پر تحصیل درا بن کلاں کے تحصیل نا ظم ہما یون خان میا نخیل ،تحصیل ممبر سید غریب نواز شاہ گیلا نی ،ڈسٹر کٹ ممبر چن شاہ قریشی سرا ئیکی رہنما سیف اللہ بیقرار ،علا قہ کی ہر دلعزیز شخصیت حا جی محمد اشرف خان با بڑ متعلقہ محکمہ جات کے نما ئندے بھی ان کے ہمراتھے۔ صو با ئی وزیر زرا عت کا کو ڑی جمال کے مقام پر عوام اور تحصیل ممبر سید غریب نواز شاہ اور تحصیل نا ظم سردارہما یون خان میا نخیل نے وا لہا نہ استقبال کر تے ہو ئے اکرام اللہ خان گنڈہ پور زندہ باد کے نعرے لگا ئے گئے وہا ں پر تلا ئی بڈھا شاہ روڈ کی تعمیر کیلئے تختی کی نقاب کشا ئی کی ،کو ڑی ہو ت ہا ئی سکول با قا عدہ افتتا ح کیا گیا ، کو ڑی کو ڑی ہو ت وکو ڑی جمال کیلئے ایک کروڑ رو پے کی لا گت سے بجلی کی فرا ہمی کیلئے تختی کی نقاب کشا ئی کی گرہ ما رو پا ئپ لا ئن جو کو ڑیی ہوت سے گرہ ما رو کو وا ٹر سپلا ئی سکیم دی گئی ہے۔ جس پر40 لا کھ 62 ہزار رو پے کی لا گت آ ئی ہے جو کہ مکمل ہو چکی ہے ۔اس کا افتتا ح کیا گیا اسی طرح تلا ئی بڈا ھا شاہ پا ئپ لا ئن کا افتتا ح کیا گیا جس پر 43 لا کھ68 ہزار رو پے کی لا گت آ ئی ہے۔ اور سا تھ ہی دو کلو میٹر روڈ گرہ مٹ کا افتتا ح بھی کیا گیا جس کے بعد صو با ئی وزیر زرا عت کو ایک ریلی کی شکل میں گرہ مٹ کے مقام پر افتتا حی تقریب میں لا یا گیا جہاں انہوں نے کہا کہ آ ج ہم جس مقام پر کھڑے ہیں یہ آ پ غریب لو گوں کا دیا ہو ا ہے۔ میری جدو جہد ہے کہ میں شہید بھا ئی کے مشن کو پورا کروں لو گوں کی بنیا دی ضروریات کو پو را کر نا میری او لین تر جیح ہے۔ مختلف تر قیا تی سکیموں کا افتتا ح کر تے ہو ئے انہوں نے کہا کہ یہ ہما ری شروعات ہے انشا ء اللہ آ ئندہ بھر پور تر قیا تی کام کیے جا ئیں گے ۔ تحصیل نا ظم ہما یون خان میا نخیل نے کہا کہ ہم اسرار اللہ خان شہید کی ٹیم کے کا رکن ہیں اور اسکے تر قیا تی مشن کو آ گے لا نے کیلئے بھر پور کر دارادا کریں گے سر دار اکرام اللہ خان کے شا نہ بشا نہ چل کر عوام کی خد مت کریں گے تحصیل ممبر سید غریب نواز شاہ گیلا نی نے علا قہ کے مسا ئل پیش کر تے ہو ئے کہا ہے کہ ہسپتال کے عملہ کی حا ضری کو یقینی بنا یا جا ئے اور سا تھ ہی علا قہ کے مختلف مسا ئل جن میں روڈ اور پینے کا پا نی شا مل ہے ۔اس کے علا وہ ملک سونا خان چھجڑا ،قا ری محمد ظفرا للہ ،ڈسٹر کٹ ممبر چن شا ہ قریشی نے بھی خطاب کیا آ خر میں تقریب کے میز بان غلام شبیر خان بلوچ ممبر اسرار شہید تر قیا تی کو نسل نے تمام مہما نوں کا شکریہ ادا کیا
شادباغ سے 18 سالہ لڑکا اغوا، پولیس کا کاروائی کرنے سے انکار کردیا
پیپلز پارٹی شاہ فیصل کالونی کے رہنمائوں کا منظور عباس کے انتقال پر اظہار افسوس