ڈیرہ اسماعیل خان کی خبریں 26/6/2016

Dera Ismail Khan

Dera Ismail Khan

ڈیرہ اسماعیل خان (سید توقیر زیدی) حقہ مارکہ صابن فیکٹری واقع ڈیرہ بھکر روڈ کے قریب تیز رفتار مزدا گاڑی کی ٹکر سے موٹرسائیکل پر سوار بارہ سالہ نوجوان جاں بحق جبکہ اس کا چچا زخمی ہو گیا ۔مقدمہ درج، تفصیلات کے مطابق امان اللہ میانخیل ولد کریم داد سکنہ چاہ منشی والا مریالی اور اس کا بارہ سالہ بھتیجا ہدایت اللہ ولد حبیب اللہ موٹرسائیکل پر جارہے تھے کہ ڈیرہ بھکر روڈ پر حقہ مارکہ صابن فیکٹری کے قریب تیز رفتار مزدا گاڑی نمبر TKK-909نے ان کو ٹکر مار دی ۔ جس سے موٹرسائیکل پر سوار بارہ سالہ ہدایت اللہ موقع پر جاں بحق ہو گیا جبکہ چچا امان اللہ شدید
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زخمی ہوگیا ۔ جس کو فوری طور پر سول ہسپتال ڈیرہ داخل کرادیا گیا ۔ تصادم میں موٹرسائیکل کو بھی شدید نقصان پہنچا ۔گومل یونیورسٹی پولیس نے زخمی امان للہ کی رپورٹ پر نامعلوم مزدا ڈرائیور کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) یونیورسٹی پولیس نے منڈی مویشیاں کے قریب اوقات روزہ میں کھانے پینے پر کاروائی کرتے ہوئے پانچ روزہ خوروں کو گرفتار کرلیا ، صدر اور یارک پولیس نے اشتہاری ملزمان کو پناہ دینے پر دو افرادکو گرفتار کرلیا ۔ موبائل پر سنگین نتائج کی دھمکیاں دینے پرکینٹ پولیس نے ایک شخص کے خلاف مقدمہ درج کرلیا ۔ بندکورائی پولیس نے مختلف واقعات کے دوران شراب اور بھنگ برآمد کرکے دو ملزمان گرفتار کرلیے ۔ تفصیلات کے مطابق گومل یونیورسٹی پولیس نے منڈی مویشیاں کے مقام پر اوقات روزہ کھانے پینے پر پانچ روزہ خوروں غلام سخی ،محمد اکرام ،فضل الرحمن ،رضوان اور فخر علی کو گرفتار کرلیا ایس ایچ او صدر محمدعدنان نے علاقہ کوکار میں اشتہاری ملزم مصری خان کو پنا ہ دینے پر اس کے بھائی محمد سہیل کو گرفتارکرلیا ۔اسطرح یارک پولیس نے علاقہ وانڈہ مانجھی میں اشتہاری ملزم بلال کو پنا دینے پر اس کے بھائی جاوید مروت کو گرفتارکرلیا ۔ کینٹ پولیس نے عید گاہ کالونی کے رہائشی سلیم نیر کی رپورٹ پر موبائیل فون کے ذریعے خطرنا ک نتائج کی دھمکیاں دینے پر اقبال ولد قالو سکنہ ببرپکہ کیخلاف مقدمہ درج کرلیا ۔ بندکورائی پولیس نے اکرام اللہ کے گھر سے 120لیٹر شراب برآمد کرلی ۔ تاہم ملزم گھر پر موجودنہ تھا ۔ دوسری کاروائی میں علاقہ کیچ سے منیر احمد سے 400گرام بھنگ برآمد کرلی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) ایڈیشنل ایس پی ڈیرہ رحیم شاہ تبدیل ہوکر ایس پی سی ٹی ڈی پشاور تعینات کردئیے گئے ۔تفصیلات کے مطابق آئی جی خیبر پختونخوا ناصر دورانی کی ہدایت پر ایڈینشنل ایس پی ڈیرہ رحیم شاہ کو ایس پی سی ٹی ڈی پشاور کے عہدے پر تبدیل کردیا گیا ۔ایڈیشنل ایس پی رحیم شاہ نے اپنے ڈیرہ کے دورہ ملازمت میں عوام کی بھلائی اور پولیس کی بہتری کے لئے بہت کام کیا ان کو علاقے میں عزت کی نگا ہ سے دیکھا جاتا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) اپوزیشن لیڈر ضلعی اسمبلی انعام اللہ تاجو خیل کی طرف سے مقامی صحافیوں کے اعزاز میں اپنی رہائش گاہ پر افطار ڈنر کا اہتما م کیا ۔افطار ڈنرمیں پی پی پی کے ضلع ممبران محمد حنیف پیپا ایڈوکیٹ ‘ سید سجاد شاہ شیرازی اور انجمن تاجران شرقی سرکلر روڈ و کینٹ ایریا کے صدر چوہدری جمیل احمد شریک تھے ۔اس موقع پرانعام اللہ تاجو خیل نے کہا کہ ملک کی سلامتی اور امن کے لئے دعاگو ہیں ۔ توقع کرتے ہیں کہ عوام نے ہم پر جس اعتماد کا اظہار کیا اس پر پورا اتریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈیرہ اسماعیل خان (سیدتوقیرزیدی) پیر آف جھگی شریف کے سجادہ نشین پیر سیدالحاج لال حسین شاہ صاحب ہرسال کی طرح اس سال بھی رمضان المبارک میں عمرہ کی سعادت حاصل کرنے کیلئے اپنے وفد کے ہمراہ خانہ کعبہ شریف اور روزہ رسول ۖ مدینہ منورہ روانہ ہوگئے ہیںان کو ملک بھر سے آئے ہوئے مریدوں ، عقیدت مندوں، پیر کاروں نے نیک دعائوں ، تمنائوں ،نیک خواہشات کے ساتھ رخصت کیا۔وہ ہرسال کی طرح اس مرتبہ بھی مسجد نبوی میں اعتکاف کی سعادت بھی حاصل کریں گے۔