ڈیرہ اسماعیل خان (بیورورپورٹ) پیسکو واپڈا کی ظالمانہ لوڈشیڈنگ کے خلاف گومل یونیورسٹی لاء کالج اور ڈی وی ایم کے طلباء کا احتجاج ،طلباء نے کلاسوں کا بائیکا ٹ کرکے سٹی کیمپس کے مین گیٹ پر واپڈا کے خلاف مظاہر ہ کیا ،تفصیلات کے مطابق گومل یونیورسٹی لاء کالج اور ڈی وی ایم کے طلباء نے واپڈا کی 18گھنٹے کی ظالما نہ لوڈشیڈنگ کے خلاف کلاسوں کا بائیکاٹ کردیا ۔طلباء ریلی کی صورت میں سٹی کیمپس کے مین گیٹ پر پہنچے اور واپڈا کے خلاف مظاہرہ کیا ۔طلباء نے واپڈا اور گومل یونیورسٹی انتظامیہ کے خلاف زبردست نعرہ بازی کی اس موقع پر طلبا ء نے کہا کہ پیسکو واپڈا نے لوگوں پر لوڈشیڈنگ کا عذاب نازل کررکھا ہے ۔18گھنٹے کی ظالمانہ لوڈشیڈنگ سے ان کی پڑھائی بری طرح متاثر ہورہی ہے ۔انہوں نے کہا کہ اگر سوموار 25اپریل تک لوڈشیڈنگ ختم نہ ہوئی تو وہ اپنا احتجاج وسیع کردیں گے ۔ جس کی ذمہ داری پیسکو واپڈا اور گومل یونیورسٹی انتظامیہ پر عائد ہوگئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ ) ایس ایچ او کینٹ محمد عدنان نے بھکاریوں کی روپ میں دعوت گناہ دینے والی 9بھکارنیوں کو گرفتار کرکے مقدمہ درج کرلیا ،تفصیلات کے مطابق ڈی پی او لیفٹیننٹ کمانڈر (ر) یاسر آفریدی کی خصوصی ہدایت پر کینٹ پولیس کی نفری نے ایس ایچ او کینٹ محمد عدنان کی زیر صدارت کچہری کی حدود میں عوام الناس کی شکایات پر بھیک مانگنے کی آڑ میں دعوت گناہ دینے والے بھکارنیوں کے خلاف کریک ڈائون کیا،پولیس نے شازیہ ،حلیمہ مائی ، انور بی بی ، گل حسینہ ،شازینہ ، زارلہ بی بی ،زکزئی بی بی سکنہ خیمہ زن اڈا شیخ یوسف، نجمہ بی بی عرف فرزانہ مائی ٹانک اڈا ، شمیم بی بی سکنہ نزد قریشی موڑ کو گرفتارکرکے ان کے خلاف 9بھکاریان گدا گری ایکٹ کے تحت مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ ) ڈی پی اوڈیرہ یاسر آفریدی نے مختلف تھانوں کے انچارجوں کے تبادلے کے احکامات جاری کردئیے ۔تفصیلات کے مطابق ڈی پی او یاسر آفریدی نے انسپکٹرر حیم نواز کو تھانہ پروآ سے پولیس لائن ،سب انسپکٹر نقیب اللہ کو کو ایس ایچ او پہاڑپور سے ایس ایچ او ڈیرہ ٹائون ،سب انسپکٹر سیف الرحمان کو پولیس لائن سے ایس ایچ او پہاڑپور ، سب انسپکٹر اشرف کو ایس ایچ او ڈیرہ ٹائون سے ایل او پولیس لائن ، سب انسپکٹر سلیم پرویزکو ایس ایچ او کڑی خیسور سے ایس ایچ او پروآ ، سب انسپکٹر عبدالجلیل کو اے ایس ایچ او تھانہ کینٹ سے ایڈیشنل ایس ایچ او تھانہ درابن ،سب انسپکٹر محمد اصغر کو پولیس لائن سے ایس ایچ او تھانہ پروآ اور سب انسپکٹر بشیر حسین کو ایل او پولیس لائن سے ایڈیشنل ایس ایچ او تھانہ پروآ اور سب انسپکٹر سعد اللہ کو ایس ایچ او بندکورائی سے ایس ایچ اوکڑی خیسور تبدیل کرنے کے احکامات جاری کرئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ ) جھوک ماچھی میں دینی مدرسہ کے طالبعلم کو گھر جاتے ہوئے ایک شخص نے زیادتی کا نشانہ بنادیا ۔ تفصیلات کے مطابق دینی مدرسہ کا طالبعلم محمدعذیف ولد چناخان بلوچ سکنہ جھوک اللہ دار مدرسہ سے چھٹی کرکے گھر جارہا تھا کہ مدنی ماچھی ولد وزیر جو جھوک ماچھی میں کھڑا تھا اس نے طالبعلم کو پکڑکر اپنے کوٹھہ لے گیا اور اسکے ساتھ زیادتی کی تھانہ پروآ نے طالبعلم کے والد کی رپورٹ پر ملزم کے خلاف 377PPcکے تحت مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ ) یارک پولیس نے اراضی کے جعلی اور بوگس کاغذات دھوکہ دہی سے بناکر اراضی اپنے نام کروانے پر وثیقہ نویس سمیت 5افراد کے خلاف مقدمہ درج کرلیا ۔ تفصیلات کے مطابق تھانہ یارک میں مسماة اقبال بانو بیوہ فیاض علی راجپوت سکنہ محلہ دیوان صاحب سٹی نے بذریعہ مختیار عام عابد حسین 420-468-471-447/34کے تحت رپورٹ کی کہ ملزمان احمد نور سکنہ گلوٹی، غلام حسین ، غلام حاکم ،خلیل الرحمان اور نصیر احمد وثیقہ نویس نے میری اراضی پر ناجائز قبضہ کرنے کی خاطر جعلی وبوگس کا غذات دھوکہ دہی سے بناکراراضی اپنے نام کرلی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ ) گلی ڈبہ تباخی میں صفائی کا ناقص انتظام ہونے پر محکمہ فوڈ کا بیکری کا سامان تیارکرنے والی فیکٹری پر چھاپہ ،فیکٹری مالک کے خلاف کاروائی کیلئے تھانہ سٹی میں مراسلہ ارسال کردیا ۔تفصیلات کے مطابق ڈسٹرکٹ فوڈ کنٹرولر محمد حیات خان کی ہدایت پر محکمہ فوڈ نے انسپکٹر جنید خان گنڈہ پور کی قیادت میں سینئر کلرک ہدایت اللہ کے ہمراہ تھانہ سٹی کی حدود میں واقع گلی ڈبہ تباخی میں بیکری کاسامان تیارکرنیوالی فیکٹری پر چھاپہ مارا چھاپے کے دوران فیکٹری میں صفائی کا انتہائی ناقص انتظام تھا ۔بیکری کاسامان زمین پر پڑا تھا اور چوہے بھی موجود تھے ،محکمہ فوڈ نے فیکٹر ی کے مالک اصغر علی ولد مشتاق علی کے خلاف تھانہ سٹی میں 3/6-269/273کے تحت مراسلہ ارسال کردیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ اسماعیل خان (بیورورپورٹ )بسلسلہ ولادت حضرت علی کے سلسلہ میں مختلف امام بارگاہوں میں جلسے منعقد کئے گئے ۔مسجد لاٹو فقیر میں 3روزہ سالانہ وجلسہ بشیر حسین جڈیہ جنرل سیکڑی سید فیاض حسین بخاری کی زیر صدارت میں علماء کرام نے حضرت علی کی زندگی پر روشنی ڈالی امام بارگاہ تھلہ یلہ شاہ پر سید پیر علی رضا شاہ نے چراغاں کیا ور لنگر تقسیم کیا امام بارگاہ تھلہ گھائیاں والے پرعلم کشائی کی گئی اور قصیدہ خوانی کا مقابلہ ہوا یہ مقابلہ محمد عمران اوراسد شیرازی بستی ڈیوالہ نے جیتا اس موقع پر لوگوں کی کثیر تعداد موجود تھی۔
زراعت کے شعبے سے وابستہ آبادی کا 60 فیصد حصہ کسانوں اور کاشتکاروں پر مشتمل ہے
گجرات کی خبریں 23/4/2016