انقرہ (جیوڈیسک) ترکی نے آسٹریا کے ساتھ سفارتی کشیدگی پیدا ہونے کے بعد ویانا میں تعینات اپنے سفیر کو واپس بلا لیا ہے۔
ترک وزیر خارجہ مولود جاوش اوغلو نے سوموار کے روز ایک بیان میں کہا ہے کہ سفیر کو مشاورت کے لیے انقرہ واپس طلب کیا گیا ہے۔
ترکی اور آسٹریا کے درمیان گذشتہ چند ہفتوں سے کشیدگی پائی جارہی ہے اور اس کی وجہ آسٹریا کے بعض عہدے داروں کے ترک قیادت کے خلاف تند وتیز بیانات ہیں۔
آسٹریا کے ایک اعلیٰ عہدے دار نے اگلے روز کہا تھا کہ ترکی آمریت کی جانب گامزن ہے جبکہ بعض دوسرے لیڈروں نے ترکی کی یورپی یونین کی رکنیت کے لیے مذاکرات کو ختم کرنے کا مطالبہ کیا تھا۔ترکی نے اس کے ردعمل میں آسٹریا کو ”ریڈیکل نسل پرستی کا دارالحکومت” قرار دیا تھا۔
ڈونلڈ ٹرمپ کلیدی ریاستوں میں پسپا!
سعودی بمباری میں یمنی باغیوں کا میزائل لانچنگ اڈہ تباہ