اسلام آباد (جیوڈیسک) الیکشن کمیشن نے توہین عدالت کیس میں تحریک انصاف کے چیئرمین عمران خان کو چودہ ستمبر کو ذاتی حیثیت میں طلب کر لیا۔ پانچ رکنی الیکشن کمیشن کے حکم پر ڈی جی قانون محمد ارشد کی جانب سے عمران خان کو بھجوائے گئے نوٹس میں کہا گیا ہے کہ آپ نے پارٹی فنڈنگ کیس کے جواب میں الیکشن کمیشن سے متعلق توہین آمیز الفاظ استعمال کئے۔
دس جنوری دو ہزار سترہ کو عمران خان نے وکیل کے ذریعے الیکشن کمیشن کو متنازع بنانے کی کوشش کی، الیکشن کمیشن نے عمران خان کو متعدد بار معافی مانگنے کے مواقع دیئے لیکن معافی نہیں مانگی گئی۔
نوٹس میں کہا گیا ہے کہ عمران خان کا رویہ الیکشن کمیشن کو نیچا دکھانے اور توہین آمیز ہے۔
چودہ ستمبر کو ذاتی حیثیت میں الیکشن کمیشن میں پیش ہوں ورنہ توہین عدالت آرڈیننس کے تحت کاروائی کی جائے گی۔
افغانستان میں مزید امریکی فوجی بھیجنے کے حکم نامے پر دستخط
کراچی پانی پانی، شاہراہوں پر سیلاب کا منظر، 14 جاں بحق، عوام چھتوں پر محصور