اسلام آباد (جیوڈیسک) سابق وزیراعظم نواز شریف کی صاحبزادی مریم نواز کا کہنا ہے کہ انتخابات کے دوران جیپ کو ڈلنے والا ووٹ خلائی مخلوق کو جائے گا۔
مریم نواز نے دعویٰ کیا کہ انتخابات سے قبل (ن) لیگ کے امیدواروں کو زبردستی شیر کے نشان سے دستبردار کرایا جارہا ہے اور کسی نے وفاداری تبدیل نہیں کی ان سے زبردستی کروائی گئی ہیں۔
مریم نواز کا کہنا تھا کہ ملک 70 سال سے قانون کی حکمرانی سے محروم ہے، پاکستان کو آئین اور قانون کے مطابق چلایا جانا چاہیے اور اداروں کو اپنی حدود میں رہنے کی ہدایت کرنا غلط نہیں ہے۔ انہوں نے کہا کہ جیپ کا نشان خلائی مخلوق کا نشان بنتا جارہا ہے عوام یہ جان لیں ووٹ اگر جیپ کو دیا تو وہ خلائی مخلوق کو جائے گا۔
یہ بھی پڑھیں :عمران خان بتائیں وہ خلائی مخلوق کے ساتھ ہیں یا امپائرکی انگلی کے ساتھ؟ مریم نواز
مریم نواز کا وطن واپسی سے متعلق سوال پر کہنا تھا کہ والدہ کی طبیعت بہتر ہوتے ہی میں اور میاں صاحب پاکستان چلے جائیں گے۔ انہوں نے کہا کہ نوازشریف کے بیانیے کو مضبوط بنانا چاہیے، ایسا نہ ہوا تو پاکستان میں بہتری نہیں آئے گی۔
میں نا ہوتا تو شمالی کوریا سے جنگ ہو جاتی، امریکی صدر ٹرمپ
ایون فیلڈ ریفرنس کا فیصلہ محفوظ، 6 جولائی کو سنایا جائے گا