لاہور (جیوڈیسک) پاکستان ٹیم کی نمبر ون ٹیسٹ رینکنگ ایک دن کی مہمان ، آئی سی سی گرز پاکستان سے اندور پہنچ گیا۔
نئی رینکنگ میں مصباح الیون نمبر ون سے چوتھی پوزیشن پر چلی جائے گی ۔ پاکستان ٹیم نمبر ون ٹیسٹ رینکنگ سے محروم ، آفیشل اعلان 12 اکتوبر کو ہوگا ۔ عالمی نمبر ون بننے پر مصباح الیون کو ملنے والا آئی سی سی گرز لاہور سے اندور منتقل ، نیوزی لینڈ کو سیریز ہرا کر کوہلی الیون نے ٹیسٹ رینکنگ میں پہلی پوزیشن پر قبضہ جما لیا ۔ پاکستان نے دو ماہ پہلے بھارت سے ہی یہ اعزازچھینا تھا۔
آئی سی سی کی نئی رینکنگ میں پاکستان ٹیم پہلے سے چوتھے نمبر پر چلی جائے گی ۔ مصباح الیون کو دوسری پوزیشن تک رسائی کیلئے متحدہ عرب امارات میں ویسٹ انڈیز سے تین میچوں کی ٹیسٹ سیریز جیتنا ہوگی۔
بھارت نے جارحیت کی تو سخت نتائج بھگتنا ہونگے، حاجی بشارت علی رحمانی
2017 کے اختتام تک توانائی کے متعدد منصوبے مکمل ہوجائیں گے :شہباز شریف