پہچان لیجئے

Posted on December 6, 2016 By Mohammad Waseem آپکی شاعری, شاعری

تاروں سے ہمکلام ہیں پہچان لیجئے
محرومِ صبح و شام ہیں پہچان لیجئے

اِس عہد بے ضمیریء حرف و کلام میں
ہم وجہ احترام ہیں پہچان لیجئے

شہرہ ہے جس کا مقتلِ عشق و جنون میں
وہ شوکت خرام ہیں پہچان لیجئے

محرومیء حیات سے اوجِ کمال تک
تکریمِ خاص و عام ہیں پہچان لیجئے

ساحل ہمارے شہر کے عالی مقام لوگ
رسوائے نسب و نام ہیں پہچان لیجئے

تحریر : ساحل منیر