فیصل آباد : سید مجاہد شاہ ایڈووکیٹ ہائی کورٹ اور سید وحید اختر شاہ ایڈووکیٹ ہائی کورٹ نے رانا علی عباس خاں کو ڈسٹرکٹ بار فیصل آباد کا صدراور میاں مہران طاہر کو سیکرٹری منتخب ہونے پر مبارکباد دیتے ہوئے کہا کہ ان کی کامیابی فیصل آباد کے عوام اور تاجروں کی کامیابی ہے ۔وکلاء رانا علی عباس اور میاںمہران علی طاہر کی کامیابی پر اس توقع کا اظہار کیا ہے کہ وہ فیصل آباد کی عوام کو سستا اور فوری انصاف فراہم کرنے کے لئے ہائی کورٹ بینچ کے لئے قیام کے لئے اپنی تمام کوششیں جاری رکھیں گے ۔رانا علی عباس خاںایک مخلص اور اچھے انسان ہیں اورمیں امید رکھتا ہوں کہ رانا علی عباس خاں وکلاء کے مسائل کے حل کیلئے جدوجہد جاری رکھیں گے ۔ منتخب نائب صدر رانا ذوالفقار ‘سیکرٹری میاں مہران طاہر ، جوائنٹ سیکرٹری ابوبکر عبداللہ گجر اور باقی ٹیم کو مبارک باد پیش کرتے ہیں۔ انہوں نے مزید کہا کہ رانا علی عباس کی کامیابی سے وکلاء کمیونٹی کے مسائل ترجیحی بنیادوں پر حل ہوں گے اور فیصل آباد ہائی کورٹ بار بنچ کے قیام کی تحریک زور پکڑے گی ۔ نومنتخب صدر رانا علی عباس فیصل آباد کمیونٹی کے حقوق کی جنگ لڑ کر عوام میں پائی جانے والی احساس محرومی کو ختم کریں گے ۔ فیصل آباد ہائی کورٹ بنچ کا قیام ناگزیر ہے ۔ ایک منظم سازش کے ذریعے فیصل آباد ڈویژن کی عوام کو سستے اور فوری انصاف کی فراہمی سے محروم رکھا جارہا ہے ۔ڈویژن بھر کے منتخب ارکان اسمبلی کی ہائی بنچ کے قیام کے لئے عدم توجہی ناقابل برداشت ہے ۔ انہوں نے کہا کہ فیصل آباد کے شہریوں کو سستے اور فوری انصاف کی فراہمی سے محروم رکھنا انتہائی ظلم و زیادتی ہے۔ ہائی کورٹ بنچ کا قیام فیصل آباد کی ترقی ‘ خوشحالی سمیت لاقانونیت کے خاتمے کے لئے انتہائی ضروری ہے جب تک شہریوں کو فوری سستا انصاف نہیں ملے گا ۔ شہری دربدر کی ٹھوکریں کھاتے رہیں گے ۔ انہوں نے کہا کہ عام آدمی انصاف نہ ملنے کی وجہ سے حقیقی حقوق سے محروم ہو کر اگلے جہاں رخصت ہو جاتے ہیں ۔ انہوں نے کہا کہ سستے اور فوری انصاف کی فراہمی ہر پاکستان کا بنیادی حق ہے اس حق سے محروم رکھنے والے بدترین عدل و انصاف اوربنیادی حقوق کے دشمن ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پیپلز پارٹی پی پی67 کے رہنما چوہدری نجف ضیاء وڑائچ نے کہا ہے کہ معاشی ترقی کے حکومتی دعوے جھوٹ ہیں۔ مالی خسارہ بلندی کی انتہا کو پہنچ چکا ہے۔ آمدن اور خرچ کا فرق بڑھتا جا رہا ہے، روزانہ ایک ارب 20 کروڑ کے نوٹ چھاپے جا رہے ہیں۔ قیمتی عمارتوں کو گروی رکھ کر اربوں روپے کے قرضے حاصل کیے جا رہے ہیں۔ متوسط طبقہ پس کر رہ گیا ہے۔ غریب والدین بچے بیچنے اور خود کشیوں پر مجبور ہیں۔ حکومت اب تک عوام کو کچھ ڈلیور نہیں کر سکی۔ آنیوالا دور پیپلز پارٹی کا ہے۔ انہوں نے مزید کہا کہ آج بھی پیپلز پارٹی غریب عوام کی آواز ہے۔ ہم نے ملک سے استحصالی نظام کو ختم کرنا ہے۔ حکمرانوں کی غلط پالیسیوں کے نتیجے میں اس وقت پنجاب کے عوام کو دو وقت کی روٹی میسر نہیں ہے۔ لیکن اس کے باوجود صرف حکمران طبقہ دن دگنی رات چوگنی ترقی کر رہا ہے۔ عوام حکومت کی تمام پالیسیوں پر گہری نظر رکھے ہوئے ہیں اور وہ آئندہ الیکشن میں حکمران جماعت سے بدلہ لیں گے اور انہیں ووٹ کی طاقت سے مسترد کردینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : انجمن تاجران مکی کلاتھ مارکیٹ کے جنرل سیکرٹری شیخ یوسف گچھا نے کہاہے کہ مہنگائی،غربت اور بے روزگاری کے بعد عوام کو تعلیم اور صحت جیسی بنیادی سہولیات کانہ ملنا سراسرزیادتی ہے۔۔انہوںنے صوبائی دارالحکومت کے6بڑے سرکاری ہسپتالوں میں آنے والے اوسطاً11ہزارمریضوں کے لیے صرف45وینٹی لیٹرز کے انکشاف پرشدید ردعمل کااظہار کرتے ہوئے کہاہے کہ صوبائی دارالحکومت لاہور سمیت صوبے کے تمام سرکاری ہسپتالوں کی حالت زار انتہائی ناگفتہ بہ ہے۔ ضرورت اس امر کی ہے کہ حکومت وقت ترقیاتی کاموں کے ساتھ ساتھ عوام کے حقیقی ایشوزپر بھی توجہ دے۔انہوں نے کہاکہ آئے روزسرکاری ہسپتالوں میں مریضوں اور ان کے لواحقین کے ساتھ پیش آنے والے نارواسلوک کی خبریں میڈیا کی زینت بنتی رہتی ہیں مگر محکمہ صحت اور حکومت پنجاب مجرمانہ غفلت کامظاہرہ کررہی ہے۔مریض علاج معالجے کے لیے دردرکی ٹھوکریں کھانے پر مجبورہیں مگر بدقسمتی سے کہیں بھی شنوائی نہیں ہورہی اورانہیں پرائیویٹ ہسپتالوں کی راہیں دکھائی جاتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : سٹی کونسل 81کے چیئر مین راجہ سلیم عابد نے کہا ہے کہ سیاست عوام کی بے لوث خدمت کا نام ہے۔ عوام اب ترقی میں رکاوٹ برداشت نہیں کریں گے۔ دھرنوں اور احتجاج کی سیاست کرنے والوں نے ملک کو معاشی، اقتصادی اور صنعتی اعتبار سے شدید نقصان پہنچایا ہے جبکہ مسلم لیگ ن کی موجودہ حکومت نے انتہائی نامناسب حالات کے باوجود ملک کو ترقی کی راہ پر گامزن کر دیا ہے۔ انہوں نے کہا کہ ملک میں دھرنوں اور احتجاج کی کالیں دینے والے ملک کے خیر خواہ نہیں ہیں، یہ ملک کو تباہ کرنے والوں کے ایجنڈے پر عمل پیرا ہیں جبکہ مسلم لیگ ن نے وزیراعظم نواز شریف کی قیادت میں چار برس کے دوران ملک کی ترقی اور عوام کی خوشحالی کو مقدم رکھا ہے ۔ انہوں نے کہا کہ عوام کا اعتماد ہی سب سے بڑی کامیابی ہے اور اس کامیابی کا راز خدمت کی سیاست میں پنہاں ہے۔
پیرمحل کی خبریں 25/1/2017
مصطفی آباد/للیانی کی خبریں 25/1/2017