اسلام آباد (جیوڈیسک) چیئرمین سینٹ رضا ربانی نے کہا ہے کہ وفاق کو چین پاکستان اقتصادی راہداری منصوبہ متنازع نہیں بنانا چاہیے اور اس معاملے پر قومی اسمبلی اور سینٹ کی قائم کمیٹیوں کو اعتماد میں لے ۔
چیئرمین سینٹ رضا ربانی پشاور میں عوامی نیشنل پارٹی کے مرکزی سینئر نائب صدر اور رکن قومی اسمبلی غلام احمد بلور کے گھر گئے اور ان کی اہلیہ کی وفات پر ان سے تعزیت کی۔ اس موقع پرسینٹ کے چیئرمین رضا ربانی نے میڈیا کو بتایا کہ چین پاک اقتصادی راہداری منصوبے سے متعلق تحفظات دور کئے جائیں۔
انہوں نے بتایا کہ وفاق کو چین پاکستان اقتصادی راہداری کا منصوبہ متنازع نہیں بنانا چاہیے اور اس معاملے پر قومی اسمبلی اور سینٹ کی قائم کمیٹیوں کو اعتماد میں لے۔ رضا ربانی نے کہا کہ سعودی عرب اور ایران کے درمیان تنازعہ پر وفاقی حکومت پارلیمنٹ کو اپنی پالیسی سے اگاہ کرے۔
ججز نظر بندی کیس:پرویز مشرف کو پھر حاضری سے استثنیٰ مل گیا
پٹھان کوٹ حملے سے متعلق تحقیقات کے بعد ہی بات کی جا سکتی ہے: وزیر دفاع