کوٹلہ ارب علی خان کی خبریں 16/4/2017

Speech

Speech

کوٹلہ ارب علی خان: راہنما مسلم لیگ(ن) سابق امیدوار وائس چیئرمین یوسی ملکہ چوہدری صفدر حسین سینتھل نے کہا ہے کہ کوٹلہ برادران حلقہ کی تعمیر و ترقی کے لئے ناقابل فراموش خدمات سرانجام دے رہے ہیں اور عمل سے ثابت کر رہے ہیں کہ وہ عوامی نمائندے ہیں حلقہ این اے107 ،پی پی 115اور ضلع گجرات کی تعمیر وترقی کو اوّلین ترجیح میں رکھ کر خدمات سرانجام دے رہے ہیں ۔ انہوں نے کہا کہ کوٹلہ برادران عملی طور پر عوامی نمائندگی کا حق ادا کر رہے ہیں یونین کونسل ملکہ میں ہماری خصوصی گزارش پر لاکھوں روپے کے فنڈز سے کام مکمل ہوئے ہیں اور کچھ کام جاری بھی ہیں ہمارے منظور شدہ تمام دیہاتوں میں ترقیاتی کام ہو رہے ہیں ہم ایم این اے چوہدری عابد رضا، ایم پی اے چوہدری شبیر احمد اور ضلعی چیئرمین چوہدری محمد علی تنویر کے بے حد مشکور ہیں اور امید بھی کرتے ہیں کہ کوٹلہ برادران آئندہ بھی علاقہ کی تعمیر و ترقی اور عوامی فلاح و بہبود کا یہ سلسلہ جاری رکھیں گے۔ انہوں نے مزید کہا کہ ہم قائدین کوٹلہ برادران کی قیادت میں اپنی سطح پر یوسی تعمیر و ترقی اور عوام کی فلاح و بہبود کے لئے بلاتفریق خدمات سرانجام دے رہے ہیں۔
۔۔۔۔۔۔۔۔۔۔۔
۔۔۔۔۔۔۔۔۔۔۔

سابق چیئرمین یونین کونسل سہنہ چوہدری افتخار حسین لدڑ نے اپنے سینکڑوں ساتھیوں سمیت مسلم لیگ(ن) میں شمولیت کا اعلان کر دیا یہ اعلان MNA چوہدری عابد رضا کوٹلہ کی قیادت اور موجودگی میں کیا گیا سینکڑوں کی تعداد میں علاقہ سے معززین، عوامی نمائندگان ، ووٹرز، سپورٹرز موجود تھے۔ اس سلسلہ میں باقاعدہ تقریب کا اہتمام کیا گیا جو کہ جلسہ کا روپ دھار گئی ۔ مہمانوں کا استقبال چوہدری افتخار حسین لدڑ، چوہدری رضوان افتخار لدڑ، بیرسٹر چوہدری وسیم عارف بھدر، چیئرمین چوہدری شاہین عارف بھدر (چیئرمین) ، چوہدری نعیم عارف بھدر، چوہدری یاسر حسین لدڑ، ملک عمران بھگوال، عامر بشیر لدڑ، لالہ الیاس لدڑ، چوہدری شمیم حسن لدڑ، چوہدری صفدر سینتھل اور دیگر نے کیا۔ اس موقع پر چیئرمین ملک اشفاق اعوان ڈوگہ، چیئرمین چوہدری محمد عباس گلیانہ، چیئرمین چوہدری محمد حسن لنگڑیال، وائس چیئرمین یوسی سہنہ ٹھیکیدار زاہد حسین سہنہ، چیئرمین ملک وحید سرور اعوان بدر مرجان، ملک فضل حسین بدرمرجان، چوہدری محمد نبیل پیارا، چوہدری محمد اشرف کنجیال، حاجی چوہدری محمد صدیق کنجیال، ملک محمد اقبال کونسلر بدرمرجان، ملک فاروق بدرمرجان، نیئر سلطان سہنہ،کونسلر قاضی صفدر حسین پنجوڑیاں، راجہ عبدالرحمن میڑھ پنجوڑیاں، ملک مظہر اعوان پنجوڑیاں، ساجد بھٹی پنجوڑیاں، راجہ زاہد غنی مکوال، ملک عبدالغفار پنجوڑیاں، زلفی بٹ، احسان ڈار چک لشکری، راجہ عارف نصیرہ، چوہدری شفیق سہنہ، ماسٹر عبدالمنان، فضل حسین رحمانی کونسلرچک سجاول، سید شبیر شاہ ابیال سابق کونسلر، حاجی خادم حسین وائس چیئرمین، چوہدری سہراب خاں چیئرمین، ریاض چوہان کھاریاں کینٹ، ملک جی آر پرواز، حاجی خالد حسین سندھاریہ، ماسٹر محمد اصغر سندھاریہ اور دیگر موجود تھے۔ MNA چوہدری عابد رضا کا شاندار استبال کیا گیا۔ پھولوں کے ہار ،مالائیں پہنائی گئیں پھولوں کی پتیاں بھی نچھاور کی گئیں۔ گھڑڈانس بھی پیش کیا گیا۔
۔۔۔۔۔۔۔۔۔۔۔
۔۔۔۔۔۔۔۔۔۔۔

2013ء سے پہلے ضلع گجرات میں بزنس مینوں اور اسٹیبلشمنٹ کی پیداوار لوگوں نے حکمرانی کی اور لوٹ مار کا بازار گرم کئے رکھا وقت کے فرعونوں کو عوام نے مسترد کیا وہ تو گھر گھر میں دشمنیاں پیدا کر کے اپنی سیاست کو پروان چڑھا رہے تھے اللہ تعالیٰ نے عوام کے دلوں میں میری محبت پیدا کی اور عوام نے مجھے ووٹ دے کر آج اس مقام تک پہنچایا میں آج جس مقام پر کھڑا ہوں وہ اللہ تعالیٰ کے فضل و کرم اور آپ کی محبتوں کا نتیجہ ہے میرا ایمان ہے کہ جب تک اللہ تعالیٰ عوام کے دلوں میں میری محبت رکھے گا مجھے کوئی ہرا نہیں سکتا ان خیالات کا اظہار ایم این اے چوہدری عابد رضا کوٹلہ نے موضع لدڑ میں جلسہ عام سے خطاب کرتے ہوئے کیا۔ انہوں نے سابق چیئرمین چوہدری افتخار حسین لدڑ کو اپنے سینکڑوں ساتھیوں سمیت مسلم لیگ(ن) میں شمولیت پر خوش آمدید کہا اور کہا کہ انشاء اللہ گجرات کو پاکستان کا خوبصورت ضلع بنائیں گے خود کار نظام کے تحت صفائی کا کام ہر یونین کونسل کی سطح پر کیا جا رہا ہے پہلے مرحلہ میں 10 یونین کونسلوں کو شامل کریں گے۔ ہر یوسی میں 16سے20 افراد سینٹری ورکرز بھرتی کئے جائیں گے ضلعی حکومت بھی فنڈ دے گی خود بھی فنڈز جنریٹر کریں گے حکومت صحت، انفراسٹرکچر کے ساتھ ساتھ تعلیمی اصلاحات بھی کر رہی ہے جس کے مثبت نتائج برآمد ہوں گے علاقہ کی تعمیر و ترقی ہماری ذمہ داری اور فرض ہے جو کہ ہم چاروں بھائی ادا کر رہے ہیں عوام کے دکھ سکھ میں بھی شامل ہو رہے ہیں ترقی کا تسلسل برقرار رکھنے کے لئے 2018ء کے الیکشن میں بھی مسلم لیگ(ن) کو ووٹ دیں گے۔
۔۔۔۔۔۔۔۔۔۔۔
۔۔۔۔۔۔۔۔۔۔۔

سابق چیئرمین یونین کونسل سہنہ حاجی چوہدری افتخار حسین لدڑ نے اپنے سینکڑوں ساتھیوں سمیت MNA چوہدری عابد رضا کوٹلہ کی قیادت میں مسلم لیگ(ن) میں شمولیت کا اعلان کر دیا اس سلسلے میں انہوں نے اپنی رہائشگاہ پر باقاعدہ جلسہ کا اہتمام کیا جس کے مہمان خصوصی ایم این اے چوہدری عابد رضا کوٹلہ تھے۔ انہوں نے کہا کہ (مرحوم) چوہدری عبدالمالک کوٹلہ کے ساتھ زندگی گزاری ہے وہ میرے استاد اور دوست بھی تھے میں اور میرے ساتھی آج مسلم لیگ(ن) میں شمولیت کا اعلان کرتے ہیں یونین کونسل میں 5کلومیٹر کارپٹ روڈ اور سوئی گیس کی فراہمی پر کوٹلہ برادران کے بے حد مشکور ہیں کوٹلہ برادران علاقہ کے مسائل سے بخوبی واقف ہیں اسی لئے مسائل کو حل کر رہے ہیں میرے گھر آمد پر MNA چوہدری عابد رضا اور آپ سب کا بے حد مشکور ہوں۔

۔۔۔۔۔۔۔۔۔۔۔
۔۔۔۔۔۔۔۔۔۔۔

کوٹلہ برادران ایم این اے چوہدری عابد رصا، ایم پی اے چوہدری شبیر احمد اور ضلعی چیئرمین گجرات چوہدری محمد علی تنویر، میاں برادران کے تعمیر و ترقی کے ویژن کو عملی جامہ پہنانے کے لئے چوبیس گھنٹے مصروف عمل ہیں اور حلقہ این اے 107کو پیرس بنا رہے ہیں ہمیں ان کی قیادت پر فخر ہے اگر آپ لوگ ترقی کے ویژن کو آگے بڑھانا چاہتے ہیں تو 2018ء کے الیکشن میں بھی مسلم لیگ(ن) کو ووٹ دیں ہم بھی بلدیاتی الیکشن سے پہلے کسی اور پچ پر کھیل رہے تھے بلدیاتی الیکشن میں ایم این اے چوہدری عابد رضا کوٹلہ نے ہمارا الیکشن خود لڑا جس کے نتیجہ میں میرا بھائی شاہین عارف آج چیئرمین ہے ہم چوہدری افتخار حسین لدڑکے مسلم لیگ(ن) میں شمولیت کے فیصلے کو خوش آئند قرار دیتے ہیں انشاء اللہ ان کی شمولیت بارش کا پہلا قطرہ ہے اس کے بعد اس سلسلہ میں تیزی آئے گی۔