خود خدا محبت ہے

Posted on February 13, 2017 By Mohammad Waseem آپکی شاعری, شاعری

خود خدا محبت ہے
گھر کے سونے آنگن میں
رونقیں محبت سے
دِل کی ویراں بستی میں
راحتیں محبت سے

بزمِ کیف و مستی کی
شدتیں محبت سے
تیرے میرے جذبوں کی
حِدتیں محبت سے
مامتا کے ہونٹوں پر

اِک دعا محبت ہے
باپ کے بڑھاپے کا
آسرا محبت ہے
ظلمتوں کی بستی میں
اِک دِیا محبت ہے

زہر کے پیالے کا
فلسفہ محبت ہے
سولیوں پہ چڑھنے کا
سِلسلہ محبت ہے
سجدہ گاہِ مقتل کی

ہر دعا محبت ہے
رزمِ حق و باطل میں
کربلا محبت ہے
منکرِ محبت سُن!
خود خدا محبت ہے

تحریر : ساحل منیر