لاہور (جیوڈیسک) فی تولہ سونے کی قیمت بڑھ کر57 ہزار600 روپے اور فی دس گرام سونے کی قیمت بڑھ کر 49 ہزار371 روپے ہو گئی۔
بین الاقوامی بلین مارکیٹ میں فی اونس سونے کی قیمت12 ڈالر کے اضافے سے 1331 ڈالر کی سطح پر پہنچنے کے باعث مقامی صرافہ مارکیٹوں میں بھی جمعہ کو فی تولہ اور فی دس گرام سونے کی قیمتوں میں بالترتیب350 اور300 روپے کا اضافہ ہوگیا جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر57 ہزار600 روپے اور فی دس گرام سونے کی قیمت بڑھ کر 49 ہزار371 روپے ہوگئی۔
اسی طرح فی تولہ چاندی کی قیمت10 روپے کے اضافے سے 850 روپے اور فی دس گرام چاندی کی قیمت8.57 روپے بڑھ کر 728.57 روپے ہو گئی۔
ایل پی جی امپورٹرز کی یکم فروری سے درآمدات روکنے کی دھمکی
قومی کرکٹ ٹیم کی باڈی لینگویج زوال کا شکار ہے : وسیم اکرم