ممبئی (جیوڈیسک) سیانے ٹھیک ہی کہتے ہیں کہ انسان خطا کا پتلا ہے لیکن عقلمند انسان وہی ہے جسے اپنی غلطی کا احساس ہوجائے کیونکہ کبھی نہ کبھی اس کا مداوا کرنا ہی پڑتا ہے۔
ایسا ہی کچھ ہوا بالی ووڈ اداکار گووندا کے ساتھ جنہوں نے 2008 میں ایک شخص کو فلم کی شوٹنگ کے دوران تھپڑ مار دیا جس پر وہ شخص عدالت چلا گیا لیکن وہاں اس کی شنوائی نہ ہوئی تو وہ سپریم کورٹ پہنچ گیا ۔
متاثرہ شخص نے مؤقف اختیار کیا کہ وہ گووندا کا مداح ہے اور وہ صرف ان کی شوٹنگ دیکھ رہا تھا لیکن گووندا نے یہ قدم اٹھا کرمیرے دل سے اپنی ساری عزت ختم کرلی۔
آخر کار گوندا کو اپنی آٹھ سال پرانی غلطی کی معافی مانگنی ہی پڑی جس کے ساتھ ساتھ انہوں نے متاثرہ شخص کو پانچ لاکھ روپے کی صورت میں تلافی کی پیش کش بھی کی۔
اینی میٹڈ فلم کنگفو پانڈا 3 کا امریکی باکس آفس پر راج برقرار
شرمین عبیدچنائے کوآسکر نامزدگی کا سرٹیفکیٹ مل گیا