گرین لائن منصوبے کیلئے پانچ ارب مختص، کے فور کیلئے ڈھائی ارب جاری کر دیئے، وزیراعظم

Nawaz Sharif

Nawaz Sharif

اسلام آباد (جیوڈیسک) وزیراعظم نواز شریف کا کہنا ہے اہل کراچی کے لئے گرین لائن بس منصوبہ پر ہم نے 5 ارب روپے مختص کیے ہیں جبکہ کے فور منصوبے کے لئے ڈھائی میں سے دو ارب جاری کر دیئے گئے ہیں۔

وزیر اعظم نواز شریف نے قومی اسمبلی میں اظہار خیال کرتے ہوئے کہا گرین لائن بس منصوبہ کراچی کےعوام کے لیے تحفہ ہے۔ وزیر اعظم نے کہا گرین لائن بس منصوبے کے لیے 5 ارب روپے جاری کر چکے ہیں ، منصوبے کے لیے تمام فنڈز وفاق فراہم کرے گا۔

وزیر اعظم نواز شریف نے کہا کے فور کے لیے ڈھائی ارب میں سے 2 ارب روپے جاری کر چکے ہیں۔ انہوں نے کہا جتنا سندھ حکومت کے فور منصوبے کیلئے رکھے گی، وفاق بھی اتنی ہی رقم دے گا۔ وزیر اعظم نواز شریف نے کہا مکھی والی بات ہلکے پھلکے انداز میں کی تھی، امید ہے وضاحت کے بعد رشید گوڈیل مطمئن ہو گئے ہوں گے۔